23 красавіка, Мінск /Кар. БЕЛТА/. У цэнтры Мінска пад адкрытым небам прадставілі рэпрадукцыі работ сучасных жывапісцаў і графікаў. 23 красавіка на плошчы Я.Коласа стартаваў праект "Мастак і горад. BelART.by", паведамляе БЕЛТА.
У экспазіцыі 32 копіі твораў 16 беларускіх аўтараў. Усе з калекцыі Музея сучаснага выяўленчага мастацтва. Інфармацыя аб кожнай працы прадастаўлена на трох мовах: рускай, беларускай і англійскай.
У Беларусі напрамак Public-Art - мастацтва ў публічнай прасторы - становіцца актыўнай састаўной часткай гарадскога жыцця. На плошчы Я.Коласа выстаўка з цыкла "Мастак і горад" праходзіць вось ужо трэці раз. Да гэтага тут паказвалі рэпрадукцыі Шагала і Малевіча.
Гарадская экспазіцыя пад адкрытым небам будзе радаваць жыхароў і гасцей сталіцы некалькі месяцаў - закрыецца праект толькі да жніўня. "Мастак і горад. BelART.by" - частка маштабнай выстаўкі сучаснага беларускага мастацтва "Avant-gARTe. Ад квадрата да аб'екта".
Праект на плошчы Я.Коласа падтрымалі Мінгарвыканкам, Музей сучаснага выяўленчага мастацтва, міжнародны сацыяльна-эканамічны фонд "Ідэя". Генеральны партнёр - ЗАТ "Банк ЗГБ" (Беларусь).
Пн | Аўт | Сер | Чцв | Пт | Сб | Нядз |
---|