Падзеі, факты, анонсы
У Мінскім метрапалітэне пачала працаваць сістэма "SMS-білет"
6 лютага, Мінск /Кар. БЕЛТА/. Сёння ў Мінскім метрапалітэне адбыўся запуск інавацыйнага сэрвісу па аплаце праезду "SMS-білет", перадае карэспандэнт БЕЛТА.
Унікальная для Беларусі і краін СНД паслуга дасць магчымасць аплачваць праезд у метро з дапамогай SMS-паведамлення. Сэрвіс распрацаваны спецыялістамі кампаніі "Лайфтэх", IT-партнёра мабільнага аператара life:), і ўкаранёны пры садзейнічанні КУП "Мінскі метрапалітэн" і Міністэрства транспарту і камунікацый Беларусі.
Інавацыйны сэрвіс пачаў працаваць сёння на ўсіх станцыях метрапалітэна. Білет на адну паездку можна набыць на працягу некалькіх секунд. Для гэтага неабходна адправіць бясплатнае
SMS-паведамленне з лічбай "1" на кароткі нумар 2255 і дачакацца паведамлення ў адказ са спецыяльным лічбавым кодам - гэта і ёсць SMS-білет. Для праходу ў метро неабходна адсканіраваць SMS-білет непасрэдна з экрана мабільнага тэлефона на турнікеце з лагатыпам "SMS-білет". Сумы аплаты за праезд (кошт білета згодна з дзеючым тарыфам. - Заўвага БЕЛТА) будзе спісаны з асабовага рахунку абанента, а час апрацоўкі пры гэтым не перасягне адной секунды. Аператар life:) не спаганяе ніякіх камісій і скрытых плацяжоў. "Сэрвіс не запатрабуе замены SIM-карткі або любых іншых дадатковых затрат", - расказала намеснік генеральнага дырэктара па маркетынгу ЗАТ "БеСТ" Дзіна Цыбульская.Аплачваць праезд
SMS-білетам можна толькі пры наяўнасці грашовых сродкаў на тэлефонным рахунку, або калі ў абанента тарыфны план прадугледжвае постаплату паслуг мабільнай сувязі. SMS-білет можна купіць у любы час і дзейнічае ён на працягу неабмежаванага тэрміну. Скарыстацца канкрэтным SMS-білетам можна толькі адзін раз.Пакуль гэтай паслугай могуць карыстацца толькі абаненты
life:). Як адзначыла Дзіна Цыбульская, вядуцца перагаворы з кампаніямі МТС і velcom наконт магчымасці аплаты праезду ў метро SMS-білетам абанентамі гэтых мабільных аператараў. Плануецца, што для гэтай паслугі будзе адзіны нумар для ўсіх беларускіх мабільных аператараў.Прадстаўнікі кампаніі падкрэслілі, што ўкараненне інавацыйнай сістэмы аплаты праезду робіцца для папулярызацыі паслугі і пашырэння інавацыйных тэхналогій.
Плануецца, што госці чэмпіянату свету па хакеі-2014 змогуць скарыстацца інавацыйнай сістэмай аплаты праезду. У планах кампаніі ўвесці сістэму SMS-аплаты паркоўкі.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
