Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

17 Aug 2015

У Беларусь вярнулі карціны Гараўскага, Баброўскага і Рушчыца

17 жніўня, Мінск /Кар. БЕЛТА/. ААТ "Белгазпрамбанк" вярнуў у Беларусь работы мастакоў Апалінара Гараўскага, Рыгора Баброўскага і Фердынанда Рушчыца, паведамілі БЕЛТА ў банку.

Карціны гэтых аўтараў папоўнілі карпаратыўную калекцыю Белгазпрамбанка. Набыткі зроблены ў адпаведнасці з нацыянальным гісторыка-культуралагічным праектам "Арт-Беларусь", у задачы якога ўваходзіць вяртанне ў краіну работ аўтараў, якія нарадзіліся ў Беларусі.

Мастак Апалінар Гараўскі ўнёс значны ўклад у культуру Беларусі і Расіі другой палавіны XIX стагоддзя. У Нацыянальным мастацкім музеі захоўваецца некалькі дзясяткаў яго работ. "Набыты Белгазпрамбанкам пейзаж "Замак" адкрывае майстра з новага, дагэтуль невядомага - рамантычнага - боку", - лічаць у банку.

Творчасць Рыгора Баброўскага - аднаго з настаўнікаў Шагала - у Беларусі не прадстаўлена наогул. У калекцыю Белгазпрамбанка паступіў яго эцюд пад назвай "Летам. Ветраны дзень".

У творчасці Фердынанда Рушчыца выразна адлюстраваны каларыт беларускай прыроды. У нашай краіне захоўваецца некалькі яго работ, Белгазпрамбанк набыў яго палатно "Пейзаж. Вілія".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі