30 чэрвеня, Мінск /Кар. БЕЛТА/. Салісты балетнай трупы Нацыянальнага акадэмічнага Вялікага тэатра оперы і балета Рэспублікі Беларусь перамаглі ў
IV Міжнародным конкурсе артыстаў балета ў Стамбуле (Турцыя). Аб гэтым БЕЛТА паведамілі ў прэс-службе тэатра.Уладальнікамі Гран-пры сталі вядучыя майстры сцэны Людміла Хітрова і Канстанцін Геронік. Дарэчы, у чэрвені танцоры былі ўдастоены высокіх дзяржаўных узнагарод - медалёў Францыска Скарыны.
Першую прэмію конкурсу заваяваў саліст балета Такатошы Мачыяма. Выпускніца Беларускай харэаграфічнай гімназіі-каледжа, удзельніца танцавальнага "Еўрабачання-2013" Яна Штангей заваявала другую прэмію.
Майстэрства канкурсантаў ацэньвалі мастацкі кіраўнік Дзяржаўнага балета Берліна Уладзімір Малахаў, старшыня журы Міжнароднага конкурсу артыстаў балета ў Сеуле Хэ Кен Парк, прыма-балерына трупы Рымскай оперы Леціцыя Джуліані, мастацкі кіраўнік Міжнароднага балетнага конкурсу
OTR у Вене Эвелін Тэры і інш. Работу журы ўзначаліў выдатны танцоўшчык - мастацкі кіраўнік балетнай трупы Афінскай оперы Ірэк Мухамедаў.Спаборніцтвы праходзяць кожныя два гады і з'яўляюцца прэстыжнай падзеяй сусветнага балета.
Пн | Аўт | Сер | Чцв | Пт | Сб | Нядз |
---|