Падзеі, факты, анонсы
Рэспубліканскі тэатр беларускай драматургіі ўдзельнічае ў фестывалі ў Сербіі
10 сакавіка, Мінск /Аліна Грышкевіч - БЕЛТА/. Заслужаны калектыў Беларусі "Рэспубліканскі тэатр беларускай драматургіі" 9-13 сакавіка ўдзельнічае ў XVI Міжнародным тэатральным фестывалі "Славія-2017" у Бялградзе (Сербія). Аб гэтым карэспандэнту БЕЛТА паведамілі ў пасольстве Беларусі ў Сербіі.
Жыхары і госці Белграда змогуць убачыць у выкананні беларускіх артыстаў спектакль паводле п'есы Аўгуста Стрындберга "Пелікан" (рэжысёр Аляксандр Гарцуеў). Сёння ў Бялградзе адбылася прэзентацыя беларускага тэатра і падпісанне пагаднення аб супрацоўніцтве з бялградскім тэатрам "Славія". У цырымоніі прынялі ўдзел прадстаўнікі парламента Сербіі, пасольства Беларусі ў Сербіі, тэатральнай грамадскасці, дзеячы культуры і мастацтваў сербскай сталіцы, СМІ.
Нацыянальнай бібліятэцы Сербіі перададзены ў дар зборнік п'ес беларускіх аўтараў - пераможцаў конкурсу "Францыск Скарына і сучаснасць", арганізатарамі якога выступілі Рэспубліканскі тэатр беларускай драматургіі, Нацыянальная бібліятэка Беларусі.
версія для друку
зрабіць стартавай
дабавіць у выбранае