Падзеі, факты, анонсы

Паводле слоў мастацкага кіраўніка, сёння яшчэ не падпісаны дамоўленасці, але паступіла прапанова паказаць гэты спектакль, пастаўлены заслужаным дзеячам мастацтваў Беларусі Валянцінай Ераньковай па эксклюзіўнай п'есе маладога драматурга Васіля Дранько-Майсюка, у чэрвені бягучага года на маскоўскай сцэне.

Гэта прапанова добра ўпісваецца ў планы творчага калектыву прадставіць спектакль як мага большай колькасці гледачоў. Як расказала Валянціна Еранькова, у бліжэйшыя месяцы спектакль будзе паказаны ў некалькіх гарадах Беларусі, першымі гледачамі стануць 1 чэрвеня жыхары Гомеля. Потым спектакль адправіцца ў Брэст, дзе будзе паказаны 3 і 4 чэрвеня. Гродзенскі глядач будзе вітаць артыстаў Нацыянальнага акадэмічнага драмтэатра імя М.Горкага 6 чэрвеня.

Пасля плануемай паездкі ў Маскву спектакль "Пясняр", пастаўлены да 75-годдзя з дня нараджэння народнага артыста СССР, змогуць убачыць госці фестываляў: 11 чэрвеня на XVI Нацыянальным фестывалі беларускай песні і паэзіі "Маладзечна", 16 ліпеня на XXV Міжнародным фестывалі мастацтваў "Славянскі базар у Віцебску". "Пясняр" таксама плануецца да паказу 3 верасня ў Дзень беларускага пісьменства ў Рагачове.

Цяпер разглядаецца таксама варыянт паказу спектакля ў Магілёве.

Як адзначыла Валянціна Еранькова, гэты спектакль - яшчэ адзін напамін пра багацце беларускай зямлі, пра тое, што культурную спадчыну нельга забываць.

Спектакль ужо амаль два гады з вялікім поспехам ідзе на сцэне НАДТ імя М.Горкага, творчы калектыў якога ў 2015 годзе ўдастоены спецыяльнай прэміі дзеячам культуры і мастацтва Прэзідэнта Рэспублікі Беларусь. Узнагароды "Хрустальная зорка" за вялікі ўклад у развіццё тэатральнага мастацтва ўдастоена рэжысёр тэатра Валянціна Еранькова.