Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

30 Sep 2015

Прэм'ера фільма "Беларусь. Дакументальная гісторыя" сабрала поўную залу

30 верасня, Мінск /Кар. БЕЛТА/. Той факт, што 30 верасня ў Мінску прэм'ера дакументальнага кіно "Беларусь. Дакументальная гісторыя" сабрала поўную залу, - радасная падзея. Аб гэтым заявіў генеральны дырэктар Нацыянальнай кінастудыі "Беларусьфільм" Ігар Поршнеў перад прэм'ерным паказам карціны, перадае карэспандэнт БЕЛТА.

"Радасна бачыць у гэты дзень поўную залу на прэм'еры дакументальнага кіно", - сказаў гендырэктар. Ён таксама не выключыў, што будзе зроблены працяг фільма. Ігар Поршнеў звярнуў увагу, што на "Беларусьфільме" цяпер назбіраўся даволі вялікі аб'ём дакументальнага матэрыялу.

Прэм'ера фільма "Беларусь. Дакументальная гісторыя" сабрала поўную залуУ сваю чаргу рэктар Акадэміі кіравання пры Прэзідэнце Беларусі Марат Жылінскі, які выступаў у ролі кансультанта пры стварэнні фільма, адзначыў, што стужка паказвае Беларусь як дастойную еўрапейскую дзяржаву.

"У нас былі творчыя спрэчкі з рэжысёрам фільма Галінай Адамовіч, але гэта былі добрыя спрэчкі. Аўтар не проста ўклаў сваю душу, а паспрабаваў убачыць гісторыю Беларусі вачамі сваіх калег", - сказаў Марат Жылінскі.

Генеральны дырэктар Нацыянальнай кінастудыі "Беларусьфільм" Ігар ПоршнеўАўтар ідэі фільма галоўны рэдактар газеты "СБ. Беларусь сегодня" Павел Якубовіч дадаў: "Ідэю падаць вельмі лёгка, самае простае, а вось зрабіць добры і цікавы фільм складаней". Ён таксама заклікаў гледачоў задумацца перш за ўсё аб тым, наколькі важна прафесія летапісца, якім па сутнасці з'яўляецца дакументаліст.

Прэм'ера фільма "Беларусь. Дакументальная гісторыя" сабрала поўную залуУ поўнаметражным дакументальным фільме "Беларусь. Дакументальная гісторыя" вытворчасці студыі "Летапіс" Нацыянальнай кінастудыі "Беларусьфільм" адлюстраваны асноўныя вехі гісторыі станаўлення незалежнай Беларусі. У стужцы можна ўбачыць сучасныя здымкі важнейшых падзей і аб'ектаў у розных галінах дзейнасці дзяржавы - у прамысловасці, сельскай гаспадарцы, медыцыне, спорце, сферы міжнародных адносін. Фільм дае панарамную карціну жыцця і паступальнага руху наперад Беларусі за гады яе існавання як незалежнай дзяржавы.

Карціна з'яўляецца пераможцам адкрытага рэспубліканскага конкурсу кінапраектаў, які праходзіў вясной 2015 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі