Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

25 Aug 2017

Прадстаўніка дзіцячага "Еўрабачання-2017" выберуць сёння ў Беларусі

Фінал нацыянальнага адборачнага тура дзіцячага конкурсу песні "Еўрабачанне-2017"25 жніўня, Мінск /Кар. БЕЛТА/. Прадстаўніка дзіцячага "Еўрабачання-2017" выберуць сёння ў Беларусі, паведамляе БЕЛТА.

Інтрыга нацыянальнага адборачнага тура дзіцячага конкурсу песні "Еўрабачанне-2017" вырашыцца сёння позна ўвечары. Прадстаўнік Беларусі на прэстыжным міжнародным музычным форуме ў Грузіі (Тбілісі) будзе вызначаны па выніках фінальнага гала-канцэрта.

Фінальнае шоу ў прамым эфіры на тэлеканалах "Беларусь 1" і "Беларусь 24", а таксама ў анлайн-трансляцыі на афіцыйным сайце медыяхолдынга www.tvr.by пачнецца ў 22.00. Пераможца будзе вызначаны па выніках галасавання прафесійнага журы і тэлегледачоў. Пераможца фіналу атрымае ў падарунак сімвал конкурсу - хрустальнае сэрца.

Па выніках праслухоўвання фіналістамі адборачнага тура сталі: Хелена Мерааі (Мінск); Настасся Цімафеевіч (Брэст); Руслана Панчышына (Мінск); Эліна Матарас (Мінск); Яраслаў Саколікаў (Мінск); Стафанія Сакалова (Мінск); дуэт Арыны Пехцеравай і Настассі Дзмітрачковай (Магілёў); квартэт Нацыянальнага цэнтра дзіцячай творчасці імя У. Мулявіна - Максім Цупрыкаў, Ангеліна Ламака, Стафанія Круглая і Стафанія Сакалова (Мінск); Марыя Жыліна (Мінск); Настасся Жабко (Мінск).

Шоу абяцае стаць запамінальным яркім відовішчам. І тэлегледачоў, і гасцей у студыі чакае нямала сюрпрызаў з мінімумам дэкарацый і мноствам цікавых графічных рашэнняў, якія ўразяць аўдыторыю.

Адкрые гала-канцэрт прадстаўнік Беларусі на дзіцячым конкурсе песні "Еўрабачанне-2016" Аляксандр Мінёнак. Ён выканае песню "Музыка маіх перамог", якая гучала на міжнародным песенным форуме ў г.Валета. Акрамя таго, спецыяльна для канцэрта Аляксандр разам з сябрамі падрыхтаваў яшчэ адну песню, якая стане падарункам для паклоннікаў конкурсу.

Магчымасць выступіць у якасці гасцей гала-канцэрта атрымаюць юнакі і дзяўчаты, якім не ўдалося прайсці ў фінал нацыянальнага адбору гэтага года, але прафесійнае журы адзначыла высокі ўзровень іх творчых нумароў у час праслухоўвання.

Выступленню кожнага з 10 фіналістаў будуць папярэднічаць відэавізіткі, здымкі якіх ажыццявіла творчая каманда Белтэлерадыёкампаніі (рэжысёр - Юрый Ярошык).

Магчымасць прыняць удзел у тэлефонным і SMS-галасаванні кожнаму абаненту сеткі стацыянарнай сувязі і ўсіх сотавых сетак Рэспублікі Беларусь забяспечыць кампанія "Белтэлекам". Тэлефонныя нумары для галасавання паведамяць тэлегледачам вядучыя канцэрта - Тэа і Вольга Рыжыкава. Дастаткова адправіць SMS за ўпадабанага канкурсанта або пазваніць па нумарах, абазначаных эфірнай графікай у час трансляцыі, і дачакацца адказу, што голас абанента прыняты. Працягласць акна тэлегаласавання складзе 10 мінут.

Арганізацыю нацыянальнага адбору і падрыхтоўку да міжнароднага дзіцячага конкурсу песні "Еўрабачанне-2017" ажыццяўляе Белтэлерадыёкампанія як адзіны ў Беларусі член Еўрапейскага вяшчальнага саюза.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі