Падзеі, факты, анонсы
Першы міжрэгіянальны інтэрактыўны фестываль "Eco Weekend" пройдзе ў Шчучыне
8 жніўня, Гродна /Таццяна Вішнеўская - БЕЛТА/. Першы міжрэгіянальны інтэрактыўны фестываль "Eco Weekend" пройдзе ў Шчучыне 23-24 жніўня. Аб гэтым карэспандэнту БЕЛТА паведаміла адзін з арганізатараў фестывалю, дырэктар інфармацыйна-кансультацыйнай установы "Дзелавая логіка", створанага пры Цэнтры падтрымкі прадпрымальніцтва Шчучынскага раёна, Вольга Залога.
Новы фестываль - адно з мерапрыемстваў стратэгіі ўстойлівага развіцця Шчучынскага рэгіёна, якая распрацавана пры падтрымцы праекта
USAID "Мясцовае прадпрымальніцтва і эканамічнае развіццё", што рэалізуецца ў Беларусі ПРААН."Eco Weekend"
пазіцыянуецца як фестываль актыўнага адпачынку. Арганізатары хочуць правесці прэзентацыю розных модных напрамкаў рэкрэацыі, а таксама прыцягнуць да фестывалю ўладальнікаў аграсядзіб. Для прадстаўнікоў агратурызму на 23 жніўня плануецца дзелавая праграма: майстар-класы, семінары, круглыя сталы з удзелам экспертаў на тэмы, якія датычацца розных аспектаў развіцця аграэкатурызму ў рэгіёне. Чакаецца, што ўладальнікі сядзіб правядуць прэзентацыі сваіх паслуг і для гасцей фестывалю.Вялікая забаўляльна-пазнавальная праграма для шырокага кола гасцей запланавана на 24 жніўня. Адбудуцца паказальныя выступленні конна-спартыўнай школы, джампераў, ролераў, веласіпедыстаў-экстрэмалаў, прадстаўнікоў ваенна-патрыятычнага клуба "Славяне". У час фестывалю можна будзе паспрабаваць сябе ў бокінгу (від эстрэмальнага спорту, бег і скачкі са спружыністымі хадулямі - джамперамі), павучыцца даглядаць коней, узяць урокі коннай язды, пакатацца на конным экіпажы. Удзел майстроў коннай язды і коней забяспечыць аграсядзіба "Конны двор "Кентаўр". У праграме свята таксама спартыўныя спаборніцтвы, рукапашныя баі, шырокая музычная праграма, дыскатэка. Будзе арганізавана гульнявая пляцоўка для дзяцей, выязны гандаль. Мерапрыемствы фестывалю пройдуць на плошчы каля раённага дома культуры.
Як растлумачыла Вольга Залога, арганізацыя і правядзенне першага міжрэгіянальнага інтэрактыўнага фестывалю
"Eco Weekend", як чакаецца, будзе садзейнічаць павышэнню інфармаванасці насельніцтва аб турыстычным патэнцыяле Шчучынскага раёна, пазітыўна паўплывае на імідж краю, аб'яднае з гэтай мэтай прадпрыемствы і арганізацыі, якія ўключаны ў развіццё Шчучынскай турысцкай дэстынацыі і займаюцца распрацоўкай, вытворчасцю і папулярызацыяй турпрадукту або дзейнасцю, звязанай з турызмам і рэкрэацыйнымі паслугамі, а таксама патэнцыяльных спажыўцоў гэтых паслуг.Чакаецца, што ў фестывалі прымуць удзел каля 3 тыс. чалавек.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
