9 снежня, Гродна /Таццяна Вішнеўская - БЕЛТА/. Міжнародны семінар па стварэнню рэгіянальных цэнтраў інавацыйнай дзейнасці пройдзе ў Гродне 9-11 снежня. Аб гэтым карэспандэнту БЕЛТА паведаміла прэс-сакратар Гродзенскага дзяржаўнага ўніверсітэта імя Янкі Купалы Алена Кулеш.
У мерапрыемстве прымуць удзел вучоныя і прадстаўнікі прадпрыемстваў Вялікабрытаніі, Грэцыі, Украіны і Беларусі.
На семінары плануецца абмеркаваць ход рэалізацыі праекта па стварэнню ў Гродзенскай і Віцебскай абласцях рэгіянальных інавацыйных цэнтраў, прэзентаваць ствараемую інфармацыйна-аналітычную
web-платформу InnoLab. Чакаецца, што міжнародная каманда распрацуе методыку і план правядзення эксперымента па ўкараненню новых падыходаў да адукацыйнага працэсу з мэтай яго збліжэння з рэальным сектарам эканомікі і навуковымі даследаваннямі.Праект InnoLab "Цэнтры інавацыйнай дзейнасці: навучанне з выкарыстаннем адукацыйнай платформы адкрытых інавацый і даследчай дзейнасці на прадпрыемствах у мэтах павышэння інавацыйнага патэнцыялу і актыўнасці ўніверсітэтаў у постсацыялістычных супольнасцях" рэалізуецца па праграме Tempus. У ім прымаюць удзел з беларускага боку Гродзенскі дзяржуніверсітэт імя Я.Купалы і Полацкі дзяржуніверсітэт. Сярод іншых партнёраў - некалькі інстытутаў, універсітэтаў і бізнес-інкубатар Украіны, Універсітэт Арыстоцеля ў Салоніках - URENIO Research (Грэцыя), Талінскі тэхналагічны ўніверсітэт (Эстонія). Вядучым партнёрам па праекту выступае Універсітэт Брэдфарда (Вялікабрытанія).
Мэта праекта - пераадоленне разрыву паміж адукацыяй, навукай і рэальным сектарам эканомікі, укараненне ўніверсітэцкіх інавацый у прамысловую вытворчасць. Ствараемыя цэнтры інавацыйнай дзейнасці павінны выступіць рэгіянальным ядром інавацыйнай сістэмы, каардынатарам навукова-практычнай дзейнасці ВНУ. Чакаецца, што цэнтры будуць садзейнічаць эфектыўнаму ўзаемадзеянню ўніверсітэтаў і прадпрыемстваў пры вырашэнні актуальных эканамічных задач і актыўнаму ўкараненню ў прамысловасць вузаўскіх навукова-даследчых і доследна-канструктарскіх распрацовак.
Агульны бюджэт праекта складае 908,8 тыс. еўра, бюджэт ГрДУ - 93,3 тыс. еўра, бюджэт ПДУ - 100,4 тыс. еўра, уключаючы 10 працэнтаў суфінансавання. Праект рэалізуецца на працягу двух гадоў (2012-2014).
Пн | Аўт | Сер | Чцв | Пт | Сб | Нядз |
---|