Падзеі, факты, анонсы
Мінчане і госці сталіцы змогуць пайграць на піяніна пад адкрытым небам у Дзень горада
11 верасня, Мінск /Кар. БЕЛТА/. Кожны жадаючы зможа пайграць на піяніна ў Дзень горада 12 верасня, якое будзе ўстаноўлена на беразе Камсамольскага возера, паведамілі БЕЛТА арганізатары праекта.
На працягу дня любы прахожы будзе мець магчымасць сыграць сам, паслухаць жывую фартэпіянную музыку, азнаёміць з інструментам сваё дзіця, дазволіўшы яму дакрануцца да клавішаў. Малышы і дарослыя змогуць прадэманстраваць свой талент, сыграць любімы твор, а таксама зрабіць незвычайнае фота за піяніна на беразе возера.
Мерапрыемствы ў фармаце "Play me!" шмат гадоў існуюць у гарадах Еўропы. Свабоднае піяніна ўстанаўліваюць на вуліцы, што стварае непаўторную атмасферу горада. У гэтым годзе і Мінск далучыўся да Парыжа, Барселоны, Берліна. Каля гарадской ратушы 5 верасня прайшло ўжо свята музыкі Live Piano Evening менавіта ў такім фармаце. На працягу васьмі гадзін мінчане і госці нашага горада ігралі як творы Баха, Бетховена, Ліста, так і сучасную музыку - Linkin Park, Evanescence, Eminem, Rihanna і многае іншае.
Live Piano Evening - некамерцыйны праект, які з 2011 года арганізуе аматарскія вечары жывой фартэпіяннай музыкі ў Мінску і гарадах Беларусі. Праект стварае магчымасці для мастацкага самавыяўлення і культурнага адпачынку грамадзян.
версія для друку
зрабіць стартавай
дабавіць у выбранае