Падзеі, факты, анонсы

4 красавіка, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка павіншаваў з юбілеем народную артыстку СССР Эліну Быстрыцкую. Аб гэтым БЕЛТА паведамілі ў прэс-службе беларускага лідара.

"Вы сыгралі мноства выдатных роляў, якія сталі класікай савецкага і расійскага кінематографа і тэатральнага мастацтва. Дзякуючы гарманічнаму спалучэнню таленту, прафесійнага майстэрства, прыгажосці і абаяння Вы заслужылі прызнанне і велізарную любоў гледачоў не толькі ў Расіі, але і за яе межамі", - падкрэсліў кіраўнік дзяржавы.

Прэзідэнт адзначыў, што ў Беларусі добра ведаюць і высока цэняць творчасць артысткі. Аляксандр Лукашэнка пажадаў, каб яна сваёй плённай дзейнасцю і ў далейшым дарыла ўдзячным паклоннікам радасць і добры настрой.