Падзеі, факты, анонсы
Кампаніі з 16 краін прымуць удзел у кірмашы турпаслуг "Адпачынак-2017" у Мінску
3 красавіка, Мінск /Кар. БЕЛТА/. Больш за 150 кампаній з 16 краін прымуць удзел у міжнародным кірмашы турыстычных паслуг "Адпачынак-2017", які пройдзе 5-8 красавіка ў Мінску, паведаміў 3 красавіка журналістам міністр спорту і турызму Аляксандр Шамко ў прэс-цэнтры БЕЛТА.
У выстаўцы прымуць удзел прадстаўнікі такіх краін, як Польшча, Украіна, Расія, Грузія, Літва, Латвія, Славакія, Партугалія, Турцыя, Балгарыя, Сербія, Грэцыя, Албанія, Італія, Егіпет, Беларусь.
"Колькасць удзельнікаў выстаўкі павялічваецца з кожным годам. Гэта добрая пляцоўка для сустрэчы прафесіяналаў турбізнесу, абмену думкамі, абмеркавання стратэгіі папулярызацыі краіны", - адзначыў Аляксандр Шамко.
Тэматыка кірмашу - падарожжы (сезонны адпачынак, бізнес-туры, дзіцячы адпачынак, круізы, адукацыйныя туры), экскурсійныя праграмы, транспартныя паслугі, спартыўны інвентар, страхаванне ў турызме, санаторыі, пансіянаты, дамы адпачынку, турыстычныя клубы, гасцінічны сэрвіс, тавары для адпачынку і спорту, карты, буклеты, даведнікі. Праграма прадугледжвае прэзентацыі, круглыя сталы, семінары па найбольш актуальных праблемах турыстычнай галіны.
Мерапрыемства праводзіць Нацыянальны выставачны цэнтр "Белэкспа" сумесна з Міністэрствам спорту і турызму Беларусь. У бягучым годзе кірмаш пройдзе па новым адрасе - праспект Пераможцаў, 14.
версія для друку
зрабіць стартавай
дабавіць у выбранае