Падзеі, факты, анонсы
Калядны "Джазавы мост" звяжа Беларусь з Еўропай
25 лістапада, Мінск /Кар. БЕЛТА/. Калядны "Джазавы мост" звяжа Беларусь з Еўропай. Як паведамілі БЕЛТА арганізатары серыі канцэртаў "Джазавы мост", у снежні ў Мінску пройдуць выступленні лепшых сусветных выканаўцаў з Еўропы і ЗША.
На адрэстаўрыраванай сцэне Цэнтральнага дома афіцэраў 19 снежня адбудзецца выступленне зоркі еўрапейскага джаза, любімца дацкай каралевы Мадса Маціяса і беларускай групы Apple Tea.
Дацкі мультыінструменталіст Мадс Маціяс паспеў палюбіцца мінскай публіцы. У 2015 годзе ён пакарыў сваёй шчырасцю і фантастычным абаяннем слухачоў оўпэн-эйра "Джазавыя вечары з банкам БелВЭБ". Натхняемы вялікімі музыкантамі мінулага і сучаснага, Маціяс захапіў еўрапейскага гледача чароўным голасам і аўтарскай мелодыкай. Ён выступае на вядучых пляцоўках свету, ад DR Koncerthuset and Roskilde Festival у Даніі да Forbidden City Concert Hall у Пекіне. Мадс - сапраўдная зорка Скандынавіі. У 2014 годзе музыкант атрымаў ганаровую ўзнагароду "Лепшы дацкі джазавы артыст года" і намінацыю "Дацкі вакальны рэліз года". Дацкая каралева называе Мадса Маціяса адным са сваіх любімых выканаўцаў.
Акрамя таго, у праекце "Джазавы мост" чакаецца таксама ўдзел брытанскага спевака Іана Шоу, амерыканскага барабаншчыка Білі Драманда, караля джазавага вакалу Кліўлэнда Уоткіса і новай англійскай суперзоркі, чые альбомы займаюць першыя радкі ў джазавых чартах ЗША, Энтані Стронга.
Калядны праект "Джазавы мост" будзе складацца як з платных канцэртаў для знатакоў джаза, так і з бясплатных акцый, якія пройдуць у грамадскіх мясцінах Мінска.-0-
версія для друку
зрабіць стартавай
дабавіць у выбранае