Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

30 Sep 2013

Гран-пры міжнароднага фестывалю студэнцкіх тэатраў атрымаў спектакль "MENSCH/Чалавек"

30 верасня, Мінск /Кар. БЕЛТА/. Гран-пры Х Міжнароднага фестывалю студэнцкіх тэатраў "Тэатральны куфар, БДУ-2013" атрымаў спектакль "MENSCH/Чалавек" у пастаноўцы беларускай трупы Рэспубліканскага цэнтра нацыянальных культур "Тэатральны квадрат", паведамілі БЕЛТА ў прэс-цэнтры БДУ.

"Лепшай рэжысёрскай работай па выніках конкурсу прызнана пастаноўка, якую падрыхтаваў Яўген Карняг, - "Латэнтныя мужчыны" (Беларусь), у намінацыі "Лепшая жаночая роль" прыз атрымала артыстка з Тарту (Эстонія) Катрын Кальма, лепшым акцёрам прызнаны Цімон Штурбей (Славенія). Акрамя гэтага, спектакль Вільнюскага ўніверсітэта "Цырк" атрымаў узнагароду за лепшую сцэнаграфію. Акцёры Ліна Акіф (Славенія) і Анатоль Нікалаенка (Расія) былі адзначаны за ролі другога плана.

Акрамя галоўных узнагарод арганізатар фестывалю Беларускі дзяржаўны ўніверсітэт таксама заснаваў шэраг спецыяльных прызоў. Іх атрымалі 5 калектываў.

У фестывалі "Тэатральны куфар, БДУ-2013", які прайшоў у Мінску з 22 па 28 верасня, прынялі ўдзел лепшыя студэнцкія тэатры і дзеячы з 18 краін: Бангладэш, Беларусі, Бельгіі, Вялікабрытаніі, Германіі, Грэцыі, Грузіі, Канады, Латвіі, Літвы, Македоніі, Малдовы, Польшчы, Расіі, Славеніі, Турцыі, Францыі і Эстоніі. На сцэнічных пляцоўках ДК прафсаюзаў і Ліцэя БДУ былі прадстаўлены 28 спектакляў, адбылося некалькі прэм'ер студэнцкіх тэатраў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі