Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

5 Май 2014

Госці ЧС-2014 змогуць убачыць плакаты і прадметы савецкай эпохі

5 мая, Мінск /Кар. БЕЛТА/. Выстаўка плакатаў і прадметаў савецкай эпохі "Back in BSSR / Зноў у БССР" адкрыецца 8 мая ў Музеі гісторыі горада Мінска, паведамілі БЕЛТА ва ўстанове.

Аснову экспазіцыі складуць рарытэтныя плакаты 1940-1980-х гадоў з калекцыі Беларускага саюза дызайнераў. Экспанаты, напоўненыя энтузіязмам савецкай эпохі, сваёй асаблівай мастацкай мовай апісваюць гераічны савецкі "рай на Зямлі".

На выстаўцы разам з плакатамі будуць прадстаўлены прадметы савецкай штодзённасці: узоры тэхнікі, прадметы побыту, а таксама творы мастацтва. У наведвальнікаў будзе магчымасць паглядзець на іх не як на рэтрарэчы, час якіх ужо мінуў, а як на творы савецкай канструктарскай думкі. Многія прадметы таго часу сталі культавымі і нават легендарнымі. Акцэнт будзе зроблены на таварах, што вырабляліся ў БССР (тэлевізары, радыёпрыёмнікі і іншыя). Аб'екты прадстаўлены з фондаў музея, а таксама прыватных збораў Даніілы Цітовіча, Дзмітрыя Сурскага, Сяргея Шылы.

Асобны раздзел выстаўкі будзе прысвечаны савецкаму нефармату: стылягам, хіпі, бітнікам. На экспазіцыі будуць прадстаўлены фатаграфіі, а таксама адзенне і атрыбутыка, самвыды і кнігі, пласцінкі і постары - усё, што ператварала савецкага чалавека ў яркага бунтара эпохі.

На працягу выстаўкі пройдзе серыя суправаджальных мерапрыемстваў. Мінчане і госці сталіцы змогуць пабываць на тэматычных канцэртах, рэтравечарынках, вечарах успамінаў "1960-я" і "1970-я". Акрамя таго, у музеі запланавана прэзентацыя кнігі Міхаіла Валодзіна "Мінскія гісторыйкі".

Выстаўка будзе прадаўжацца па 14 верасня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі