Падзеі, факты, анонсы

24 студзеня, Мінск /Кар. БЕЛТА/. Дэлегацыя афонскіх манахаў з Дарамі вешчуноў вылецела з Нацыянальнага аэрапорта Мінск у Кіеў, паведамілі карэспандэнту БЕЛТА ў Беларускім Экзархаце.

Перад ад'ездам дэлегацыі каля Дароў быў адслужаны малебен. Перад тым як даставіць каўчэг у Нацыянальны аэрапорт Мінск, рэліквію завезлі ў РНПЦ дзіцячай анкалогіі, гематалогіі і імуналогіі, каб да Дароў маглі прылажыцца дзеці, якія знаходзяцца ў гэтым цэнтры.

Паводле даных Экзархата, з 17 па 23 студзеня да Дароў вешчуноў у Мінску прылажыліся больш чым 500 тыс. чалавек - жыхары Мінска, рэгіёнаў, а таксама паломнікі з Расіі.

Як паведамілі ў гарадской станцыі хуткай медыцынскай дапамогі, да медыкаў звярнуліся каля 37 чалавек, якія чакалі пакланення Дарам вешчуноў. Каб прадухіліць абмаражэнне, побач з чаргой былі разгорнуты палаткі для абагрэву Беларускага таварыства Чырвонага Крыжа і МНС. Пагрэцца можна было і ў спецыяльна выдзеленых аўтобусах.