Падзеі, факты, анонсы

10 снежня, Мінск /Кар. БЕЛТА/. Урачыстае адкрыццё дабрачыннай акцыі "Нашы дзеці" адбудзецца ў сталіцы 10 снежня ў Мінскім дзяржаўным палацы дзяцей і моладзі, паведамілі карэспандэнту БЕЛТА ў камітэце па адукацыі Мінгарвыканкама.

На мерапрыемства запрошаны 220 вучняў (дзеці, маючыя патрэбу ў сацыяльнай падтрымцы, дзеці з малазабяспечаных сем'яў) з усіх раёнаў горада, а таксама прадстаўнікі Мінгарвыканкама. Для дзяцей падрыхтаваны навагодняя сюжэтна-гульнявая праграма "Палёт у Новы год" і спектакль "Чароўнае люстэрка".

Дабрачынная навагодняя акцыя "Нашы дзеці" пройдзе ў Беларусі з 10 снежня 2015 года па 10 студзеня 2016 года. У Мінску ў час акцыі адбудуцца розныя мерапрыемствы. Так, у снежні ў Цэнтральным раёне горада адкрыюцца дзве дашкольныя ўстановы адукацыі: 15 снежня - дзіцячы сад нумар 32 і 29 снежня - дзіцячы сад нумар 28".

Шосты год камітэт па адукацыі мэрыі праводзіць навагоднюю дабрачынную акцыю "Падорым усмешку дзецям". Мінулыя гады профільны камітэт мэрыі арганізоўваў яе на базе лячэбных устаноў, у бягучым годзе акцыя пройдзе 18 снежня ў дзіцячым доме нумар 5.

Гарадское дабрачыннае навагодняе свята адбудзецца 28 снежня ў Беларускім дзяржаўным цырку. На традыцыйны баль, які праходзіць пад патранатам мэра горада, запрошаны 1,5 тыс. дзяцей сталіцы. У бягучым годзе ў рамках міжнароднага супрацоўніцтва на гарадское свята прыбудуць міжнародныя дэлегацыі з Кішынёва, Тбілісі і Санкт-Пецярбурга.

Дабрачыннае навагодняе свята ў Палацы Рэспублікі 24 снежня ад Мінска наведаюць 1570 дзяцей. Запланаваны ўдзел школьнікаў з Вільнюса і Рыгі.