Падзеі, факты, анонсы

23 студзеня, Мінск /Кар. БЕЛТА/. Значная частка прадукцыі з сімволікай чэмпіянату свету па хакеі 2014 года падлягае выключэнню з продажу з 9 лютага. Аб гэтым нагадвае дырэкцыя па правядзенню маючага адбыцца ў Мінску сусветнага форуму ў сувязі з міжнароднымі абавязацельствамі і дагаворамі на выкарыстанне таварнага знака "Лагатып чэмпіянату свету - 2014", паведамляе БЕЛТА.

У спіс тавараў, якія падлягаюць выключэнню з продажу, трапілі некалькі дзясяткаў найменняў. Гэта, у прыватнасці, прадметы адзення, абутак, галаўныя ўборы, значкі, гадзіннікі, сумкі, пакеты, асвяжальнікі паветра аўтамабільныя, конаўкі, шклянкі, сцяжкі, бірулькі, запальніцы, вымпелы, магніты, ручкі, алоўкі, талеркі, шайбы, рукзакі, шалікі, мяккія цацкі, ручнікі, кубкі, вазы, клюшкі.

Частка ліцэнзійнай прадукцыі ўсё ж застанецца ў продажы пасля 8 лютага, але яна не будзе рэалізоўвацца ўнутры арэн і на тэрыторыях, прылеглых да іх, з 25 красавіка па 26 мая. Да гэтых тавараў адносяцца лазневыя халаты, вышыўка (за выключэннем тавараў, якія падлягаюць выключэння з рынку), флікеры, харчовыя тавары (шакалад, пячэнне, вада, квас, безалкагольныя напіткі, чай і інш.), павелічальнае шкло (біноклі), паштовыя маркі, паштоўкі, салатніцы, наборы для саўн, мыла, друкаваная прадукцыя (сшыткі, блакноты, запісныя кніжкі, календары, дзённікі, альбомы, канверты, плакаты, закладкі, паштоўкі, папкі, карты і інш.), трымальнікі на прыборнай панэлі аўтамабіля, вільготныя сурвэткі.

Астаткі нерэалізаванай прадукцыі можна будзе прадаць толькі пасля заканчэння чэмпіянату свету ў перыяд з 26 мая да 1 ліпеня 2014 года.