Падзеі, факты, анонсы
Білет на поезд з Мінска ў Нацыянальны аэрапорт будзе каштаваць Br25 тыс.
24 кастрычніка, Мінск /Кар. БЕЛТА/. Білеты на поезд ад вакзала Мінск-Пасажырскі да Нацыянальнага аэрапорта Мінск будуць каштаваць па Br25 тыс. Аб гэтым гаворыцца ў пастанове Мінэканомікі нумар 69 ад 10 кастрычніка, якая апублікавана сёння на Нацыянальным прававым інтэрнэт-партале, паведамляе БЕЛТА.
У сваю чаргу цана за праезд ад станцыі Смалявічы да прыпыначнага пункта Нацыянальны аэрапорт Мінск будзе складаць Br14,6 тыс.
Як паведамлялася, Беларуская чыгунка пачне ў лістападзе тэставую эксплуатацыю дызель-паяздоў у напрамку Нацыянальнага аэрапорта Мінск. Першапачаткова для таго, каб дабрацца да Нацыянальнага аэрапорта Мінск ад вакзала Мінск-Пасажырскі, пасажырам спатрэбіцца каля гадзіны з улікам затрачанага на трансферт часу. Яшчэ раней паведамлялася, што паязды ў напрамку гэтага аэрапорта будуць запушчаны 7 лістапада. Спачатку будзе арганізаваны рух па чыгуначнай лініі на сучасных дызель-паяздах. Існуючы чыгуначны пуць будзе прадоўжаны амаль да самага аэрапорта. Астатнія 550 м да аэрапорта пасажыры змогуць пераадолець на спецыялізаваных аўтобусах з нізкай падлогай або пры дапамозе травалатара (рухомай бесступеньчатай дарожкі. - Заўвага БЕЛТА).
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
