Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

29 Oct 2015

Белавежская пушча запрашае на савіны фестываль

29 кастрычніка, Брэст /Аляўціна Чарнаволава - БЕЛТА/. У аграсядзібе "Залессе" Пружанскага раёна Брэсцкай вобласці 30 кастрычніка пройдзе трэці "Савіны фэст", паведаміў карэспандэнту БЕЛТА арганізатар мерапрыемства Сяргей Сідарук.

Гасцямі фестывалю стануць вучоныя, энтузіясты, аматары прыроды. Для іх будуць арганізаваны прэзентацыі аб жыцці соў. У прыватнасці, удзельнікі даведаюцца шмат новага пра вушастую саву, якая з'яўляецца ў Беларусі птушкай 2015 года. Арнітолагі з Беларусі і Польшчы падзеляцца вопытам па ўліку, кальцаванні начных вартавых лесу.

Арганізатары падрыхтавалі для турыстаў вялікую забаўляльную праграму. На свежым паветры пройдуць пазнавальныя віктарыны, майстар-класы па народных танцах, вырабе савіных домікаў. Але самае цікавае чакае гасцей з надыходам ночы. Ім прапануюць прагуляцца па запаведным лесе Белавежскай пушчы ў пошуках соў. Арнітолагі навучаць экскурсантаў чуць гэтых птушак і нават дапамогуць разглядзець іх у цемры. Аматары прыроды таксама змогуць замацаваць на дрэвах зробленыя ўласныя рукамі птушыныя гняздоўі.

Аляксандр Сідарук, які з'яўляецца ўладальнікам аграсядзібы, растлумачыў, што выбар тэматыкі арніталагічнага фестывалю звязаны з патэнцыялам гэтай мясцовасці. Хутар Залессе размешчаны побач з унікальным водна-балотным комплексам "Дзікае", акружаны з усіх бакоў лесам, дзе пражывае мноства рэдкіх птушак. "Мы хочам, каб беларусы больш даведваліся, ганарыліся роднай прыродай. І нам ёсць што расказаць і паказаць людзям. Назіранне за птушкамі - добрая традыцыя, якая вучыць берагчы навакольнае асяроддзе. У гэтых лясах водзіцца неймаверная колькасць птушак, але сімвалам фестывалю мы выбралі саву, якую рэдка сустрэнеш у Еўропе. А ў Белавежскай пушчы жывуць практычна ўсе віды соў, якія сустракаюцца ў Беларусі", - падкрэсліў субяседнік.

Трэці па ліку "Савіны фэст" арганізаваны пры падтрымцы Пружанскага райвыканкама, грамадскага аб'яднання "Ахова птушак Бацькаўшчыны".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі