Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

11 Nov 2015

Беларусы заваявалі 4 узнагароды чэмпіянату свету па спартыўных танцах на інвалідных калясках

11 лістапада, Мінск /Кар. БЕЛТА/. Беларусы выдатна выступілі на чэмпіянаце свету па спартыўных танцах на інвалідных калясках, што адбыліся ў Рыме, паведамляе карэспандэнт БЕЛТА.

Сапраўдным сюрпрызам для спецыялістаў і гледачоў стала выступленне маладой беларускай пары ў лацінаамерыканскай праграме ў намінацыі "Комбі". Дар'я Кульш і Аляксандр Ляховіч, якіх падтрымлівае Прэзідэнцкі спартыўны клуб, упершыню заваявалі званне чэмпіёнаў свету. Акрамя таго, Дар'я Кульш стала ўладальніцай сярэбранага медаля ў намінацыі "Сінгл".

У актыве беларусаў яшчэ дзве ўзнагароды - Ганна Сірацюк і Ігар Куляшоў заваявалі бронзу ў лацінаамерыканскай праграме, у еўрапейскай праграме танцаў такога ж поспеху дабіліся Вераніка Касач і Аляксей Зухцікаў.

Спецыялісты таксама звярнулі ўвагу на беларускую пару Ірына Макейчык / Яўген Ярмошка. Гэтыя спартсмены ў бліжэйшы час маюць выдатныя шанцы заняць высокія месцы п'едэстала гонару ў еўрапейскай праграме на прэстыжных танцавальных конкурсах.

Старшым трэнерам зборнай Беларусі з'яўляецца Ларыса Клемянцёнак, а ўсе спартсмены - выхаванцы грамадскага аб'яднання "Беларускі фонд дапамогі спартсменам-інвалідам". Вялікую дапамогу ў падрыхтоўцы і ўдзеле ў сусветным першынстве аказаў камандзе Беларускі дзяржуніверсітэт культуры і мастацтваў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі