Падзеі, факты, анонсы

Пераможны час Марыны Арзамасавай - 2 мін. 00,71 сек. Ён толькі на адну сотую сек. лепшы, чым рэзультат, паказаны ёю на нядаўнім этапе "Брыльянтавай лігі" ў Рыме, дзе спартсменка заняла толькі 7-е месца.

Дзве іншыя ўдзельніцы нядаўніх рымскіх стартаў таксама спаборнічалі ў Маракешы. Штурхальніцы ядра Алена Копец і Юлія Леанцюк і на гэты раз не здолелі трапіць на п'едэстал, аднак былі недалёкія ад узнагарод. Копец завяршыла выступленне на 4-м месцы (рэзультат - 18 м 09 см), Леанцюк - на 5-м (18 м 07 см). Беларусы выступалі яшчэ ў двух відах этапу Сусветнага выкліку. У бегу на 3 000 м з перашкодамі Святлана Кудзеліч стала 7-й (9 мін. 45,37 сек.), у сектары для скачкоў у вышыню Андрэй Чурыла заняў 8-е месца (2 м 20 см).

Чацвёра прадстаўнікоў Беларусі выступілі на Кубку Еўропы па лёгкай атлетыцы ў бегу на 10 000 м, які прайшоў у г. Скоп'е (Македонія), але не здабылі ўзнагарод. Лепшым з квартэта быў Сяргей Платонаў (29 мін. 29,14 сек.), які заняў 11-е месца. Ілья Славінскі - 22-і (29 мін. 57,29 сек.), Максім Панкратаў - 26-ы (30 мін. 05,74 сек.), Сцяпан Рогаўцаў - 34-ы (30 мін. 54,55 сек.) з 45 удзельнікаў, якія фінішавалі. У камандным першынстве беларусы занялі апошняе 7-е месца.-0-