Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

20 Май 2015

Беларуска Вікторыя Беланоўская стала бронзавым прызёрам чэмпіянату свету па таэквандо

20 мая, Мінск /Кар. БЕЛТА/. У Чалябінску завяршыўся чэмпіянат свету па таэквандо. На рахунку беларускіх спартсменаў адна бронзавая ўзнагарода. На п'едэстал гонару сусветнага форуму паднялася Вікторыя Беланоўская, паведамляе карэспандэнт БЕЛТА.

На шляху да бронзавага медаля беларуска ў вагавой катэгорыі да 62 кг перамагла прадстаўніцу В'етнама - 11:6, аўстралійку - 11:5, нямецкую спартсменку - 9:6, егіпцянку - 8:7. У паўфінале Вікторыя Беланоўская ўступіла будучай пераможцы чэмпіянату свету з Турцыі - 0:9. У выніку разам з брытанкай Рэйчэл Бут беларуска стала бронзавым прызёрам сусветнага форуму.

Для зборнай Беларусі трэцяе месца Беланоўскай - самае высокае на турніры. У васьмёрку лепшых у Чалябінску не трапілі Дар'я Зубовіч (да 57 кг), Уладзіслаў Саўлукоў (да 80 кг), Канстанцін Ярмак (да 87 кг) і Арман Сіла (звыш 80 кг), якія занялі на турніры дзявятыя месцы.

Мужчынская каманда Беларусі з 22 набранымі баламі размясцілася на 17-м месцы ў камандным заліку, жаночая каманда, прадстаўленая толькі трыма спартсменкамі, з 10 ачкамі заняла 29-е месца (з 92 краін, якія атрымалі балы на ЧС-2015).

У агульным камандным заліку сусветнага форуму зборная Паўднёвай Карэі заняла першае месца, заваяваўшы чатыры залатыя і адзін бронзавы медалі. Другое месца заняў Іран з трыма залатымі і двума бронзавымі медалямі, на трэцім месцы зборная Турцыі з двума залатымі, адной сярэбранай і адным бронзавым медалямі. Беларусь заняла ў турніры чатырнаццатае месца з адным бронзавым медалём.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі