10 красавіка, Мінск /Аліна Грышкевіч - БЕЛТА/. Беларускі піяніст Вячаслаў Спірыдонаў выступіў на канцэрце ў Парыжы ў рамках Дзён культуры Беларусі ў Францыі. Аб гэтым расказалі карэспандэнту БЕЛТА ў беларускім пасольстве ў Францыі.
Вячаслаў Спірыдонаў - лаўрэат міжнародных конкурсаў, стыпендыят Спецыяльнага фонду Прэзідэнта Рэспублікі Беларусь па падтрымцы таленавітай моладзі. Ён выступіў сумесна з расійскім скрыпачом, лаўрэатам міжнародных конкурсаў, стыпендыятам фонду "Новыя імёны" Аляксандрам Кузняцовым. Канцэрт адбыўся ў рэзідэнцыі Франка-беларускай асацыяцыі "Жыццё ў музыцы", якую ўзначальвае беларускі кампазітар Георгій Сасноўскі.
Гэта першы з пяці запланаваных канцэртаў камернай музыкі. На ім выконваліся творы класікаў беларускай і французскай музыкі. Творы беларускіх кампазітараў прагучалі ў Парыжы ўпершыню. Французская публіка высока ацаніла талент маладых музыкантаў, з цікавасцю сустрэла новыя для яе імёны беларускіх кампазітараў і іх творы.
На карцэрце прысутнічалі Надзвычайны і Паўнамоцны Пасол Беларусі ў Францыі Павел Латушка, прадстаўнікі пасольства Беларусі ў Францыі, французскія музыканты і мастацтвазнаўцы.
Пн | Аўт | Сер | Чцв | Пт | Сб | Нядз |
---|