Падзеі, факты, анонсы

Максім Гусцік без праблем пераадолеў бар'ер фіналу 1, заняўшы ў ім 4-е месца (109,35 бала), а вось Дзяніс Осіпаў на гэтай стадыі спыніў свой рух да п'едэстала, стаўшы 11-м (84,96) у тузіне прэтэндэнтаў на ўзнагароды. За свой скачок у фінале 2 Максім Гусцік зарабіў 116,82 бала, што адпавядала трэцяй пазіцыі і кваліфікацыі ў суперфінал. У элітнай шасцёрцы беларускі спартсмен выканаў спробу яшчэ больш якасна і з ацэнкай 119,91 бала заваяваў бронзавую ўзнагароду пры каэфіцыенце складанасці апошняга скачка 4,525. Для Максіма Гусціка медаль ЧС-2015 стала першай у кар'еры на дарослых сусветных форумах, а рэзультат - лепшы ў кар'еры на гэты момант.

Золата сусветнага форуму дасталося кітайцу Цы Гуанпу, які выканаў у суперфінале практычна бездакорна скачок з каэфіцыентам складанасці 5,000 і атрымаў ад суддзяў 139,50 бала. Другое месца засталося за прадстаўніком ЗША Алексам Боўінам (ацэнка ў суперфінале - 121,27).

Паралельна з мужчынскім фіналам уладальнікаў узнагарод у лыжнай акрабатыцы вызначала і прыгожая палавіна, дзе спаборнічалі дзве прадстаўніцы Беларусі. Ганна Гуськова ў фінале 1 стала 6-й (82,84 бала) і прайшла ў лік удзельніц фіналу 2. Аляксандра Раманоўская аказалася 11-й у першым фінале (71,82 бала) сярод 12 саперніц і завяршыла выступленне на чэмпіянаце свету. Выступаючы ў фінале 2, Гуськова стала 4-й (78,30), што азначала яе праходжанне ў суперфінал, дзе шасцёрка лепшых непасрэдна змагалася за ўзнагароды. Сярод гэтай групы канкурэнтак беларуская фрыстайлістка заняла падагульняючую 6-ю пазіцыю (69,09), зрэшты, выступленне стала лепшым у кар'еры і ў гэтай маладой беларускай спартсменкі, якая ўдзельнічала ў зімовай Алімпіядзе-2014. Перамагла ў жаночых спаборніцтвах аўстралійка Лаўра Піл (ацэнка ў суперфінале - 88,47). Месцы ў тройцы прызёраў адпаведна занялі амерыканка Кілі Макінан з ЗША (88,12) і кітаянка Сю Ментаа (86,84).