Падзеі, факты, анонсы
Беларусь з'яўляецца самай папулярнай у расійскіх турыстаў сярод краін СНД
6 красавіка, Мінск /Кар. БЕЛТА/. Беларусь з'яўляецца самай папулярнай у расійскіх турыстаў сярод краін СНД. Такія даныя прадаставіў БЕЛТА расійскі сэрвіс анлайн-браніравання атэляў Oktogo.ru.
У 2015 годзе ў рэйтынгу папулярнасці ў расійскіх турыстаў лідзіруе Беларусь. Далей ідуць Украіна, Казахстан, Азербайджан, Арменія, Узбекістан, Малдова, Кыргызстан і Таджыкістан.
Статыстыка паказвае, што ў 2015 годзе ў Беларусь расіяне зрабілі 40 працэнтаў усіх паездак па СНД. У Беларусь расійскія турысты, якія арганізуюць свой адпачынак самастойна, прыязджаюць сёлета ў сярэднім на тры дні.
У топ-10 самых папулярных гарадоў СНД па паездках расійскіх турыстаў у 2015 годзе ўваходзяць адразу тры беларускія гарады - Мінск, які размясціўся на першым радку рэйтынга, Брэст і Віцебск. Таксама ў топ-10 трапілі Кіеў, Баку, Алматы, Ерэван, Астана, Ташкент, Львоў.
Сярод гарадоў СНД самыя працяглыя паездкі ў 2015 годзе расіяне зрабілі ў сталіцу Узбекістана - Ташкент - у сярэднім на пяць дзён, а самыя кароткія - у Брэст - на паўтара дня. Самым дарагім горадам СНД па затратах расіян на пражыванне стала сталіца Казахстана - Астана, а самым бюджэтным - беларускі Віцебск.
Рэйтынг складзены паводле даных броняў гасцініц расіянамі ў краінах СНД у 2015 годзе.
версія для друку
зрабіць стартавай
дабавіць у выбранае