Падзеі, факты, анонсы

8 лютага, Мінск /Кар. БЕЛТА/. Беларус Павел Памінчук стаў пераможцам Гран-пры Венгрыі па грэка-рымскай барацьбе ў вагавой катэгорыі да 80 кг, праведзеным у Сомбатхей, паведамляе карэспандэнт БЕЛТА.

Беларускі барэц выйграў усе тры паядынкі. На старце турніру ён быў мацнейшы за прадстаўнікоў Венгрыі Норберта Урбанковічса і Золтана Керы, а ў фінале выйграл у Райбека Бісултанава з каманды Даніі.

У катэгорыі да 85 кг адразу два атлеты зборнай Беларусі апынуліся на п'едэстале гонару. Аляксандр Кікінеў і Джавід Гамзатаў паспяхова пераадолелі кваліфікацыйныя паядынкі, а ў паўфінале сустрэліся паміж сабой. Мацнейшым аказаўся Джавід Гамзатаў, які ў вырашальным паядынку за першае месца ўступіў прызёру Алімпійскіх гульняў 2012 года паляку Даміяну Янікоўскаму. Аляксандр Кікінеў у схватцы за бронзавую ўзнагароду перамог спартсмена з Ірана Шадоршы Абедзінзадэ.

У Сомбатхей таксама выступілі яшчэ чатыры беларускія барцы Міхаіл Сямёнаў і Павел Лях (абодва - 66 кг), Яўген Бачко і Валерый Паленскі (абодва - 75 кг), але да ўзнагароды яны не дабраліся, уступіўшы на больш ранніх стадыях турніру.

У агульнакамандным заліку зборная Беларусі па грэка-рымскай барацьбе заняла пятае месца (32 ачкі). Першае месца засталося за гаспадарамі спаборніцтваў - 108 ачкоў.