Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

26 Nov 2014

Беларусь можа стаць першай ва Усходняй Еўропе і Цэнтральнай Азіі ў дасягненні мэт Дэкларацыі ААН па ВІЧ/СНІД

26 лістапада, Мінск /Кар. БЕЛТА/. Паводле ацэнак міжнародных экспертаў, Беларусь можа стаць першай сярод краін Усходняй Еўропы і Цэнтральнай Азіі ў дасягненні мэт Дэкларацыі ААН па ВІЧ/СНІД. Аб гэтым паведамілі карэспандэнту БЕЛТА ў прэс-службе праектаў ПРААН/Грантаў Глабальнага фонду для барацьбы са СНІДам, туберкулёзам і малярыяй (ГФ) у Беларусі.

Дзякуючы паслядоўнаму нарошчванню намаганняў праз рэалізацыю дзяржаўных праграм па прафілактыцы ВІЧ-інфекцыі з 2000 года ў краіне ўдалося дабіцца значнага абмежавання распаўсюджання ВІЧ-інфекцыі. Так, паводле ацэнкі, прадухілена 3800 новых выпадкаў інфіцыравання ВІЧ і 1860 смяротных зыходаў ад СНІДу; у 10 разоў зніжана перадача ВІЧ-інфекцыі ад маці дзіцяці (з 26,9 працэнта ў 2000 годзе да 2,8 працэнта ў 2013-м); у 2,8 раза зніжана інтэнсіўнасць распаўсюджвання ВІЧ-інфекцыі парэнтэральным шляхам (з 5,9 да 2,11 выпадкаў інфіцыравання ВІЧ на 100 тыс. насельніцтва); у 2,2 раза зніжана заражэнне ВІЧ-інфекцыяй сярод моладзі ва ўзросце 15-24 гады (з 28,3 да 13,1 выпадкаў захворвання на 100 тыс.чалавек гэтага ўзроставага кантынгенту).

У аснове ранняга выяўлення ВІЧ-інфекцыі ляжыць усеагульны доступ да тэсціравання. У рэспубліцы створана сістэма, што забяспечвае максімальную даступнасць да кансультавання і тэсціравання на ВІЧ-інфекцыю. Прайсці добраахвотнае тэсціраванне, у тым ліку ананімнае, можна ў любой лячэбнай установе, якая мае ў распараджэнні працэдурны кабінет. На базе грамадскіх некамерцыйных арганізацый функцыянуюць 32 ананімна-кансультацыйныя пункты, якія прадастаўляюць паслугі па кансультаванні і тэсціраванні на ВІЧ-інфекцыю для найменш абароненых груп насельніцтва (спажыўцы ін'екцыйных наркотыкаў, жанчыны, уцягнутыя ў секс-бізнес, мужчыны, маючыя сексуальныя адносіны з мужчынамі). Штогод у краіне тэсціруецца каля 1 млн чалавек, прычым найбольш актыўна здае тэсты моладзь (штогод 20-22 працэнты маладых людзей ва ўзросце 20-29 гадоў праходзяць тэсціраванне на ВІЧ-інфекцыю).

Усе ВІЧ-пазітыўныя пацыенты знаходзяцца на дыспансерным уліку. Калі ў іх ёсць паказанні да назначэння спецыфічнага лячэння, ім бясплатна прадастаўляюцца лекавыя сродкі для антырэтравіруснай тэрапіі. Колькасць такіх пацыентаў на сённяшні дзень складае 5 810 чалавек, у тым ліку 184 дзіцяці.

Асаблівая ўвага ўдзяляецца мерапрыемствам па прафілактыцы перадачы ВІЧ-інфекцыі ад маці дзіцяці. Усе цяжарныя жанчыны праходзяць тэсціраванне на ВІЧ-інфекцыю. У выпадку выяўлення ВІЧ-інфекцыі забяспечаны бясплатны курс антырэтравіруснай прафілактыкі. За 10 месяцаў бягучага года на дыспансерным уліку былі 266 ВІЧ-пазітыўных цяжарных жанчын, поўны курс прафілактыкі з іх атрымалі 92,1 працэнта. Акрамя таго, усе дзеці, народжаныя ВІЧ-пазітыўнымі маці, забяспечаны бясплатнымі малочнымі сумесямі для замяшчальнага выкормлівання.

У бягучым годзе Сусветны дзень барацьбы са СНІДам праводзіцца пад дэвізам "Скараціць разрыў". Гэта азначае пашырыць магчымасці ў прадастаўленні аднолькавага доступу да паслуг па прафілактыцы ВІЧ-інфекцыі (тэсціраванне, лячэнне, інфармаванне, сацыяльна-псіхалагічная дапамога і суправаджэнне) для ўсіх груп насельніцтва ў кожным рэгіёне краіны. Калі не будзе разрыву ў галіне тэсціравання на ВІЧ, амаль 10 тыс. жыхароў Беларусі (паводле ацэначных даных), якія не ведаюць аб сваім ВІЧ-станоўчым статусе, змогуць своечасова атрымаць падтрымку і лячэнне ў сувязі з ВІЧ-інфекцыяй, захаваюць якасць і працягласць свайго жыцця.

Важная роля ў барацьбе з ВІЧ/СНІДам належыць прафілактычным мерапрыемствам. У канцы лістапада - пачатку снежня ў краіне пройдуць інфармацыйныя акцыі і кампаніі з удзелам дзяржаўных, міжнародных, грамадскіх арганізацый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі