Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Feb 2015

Амаль 30 тыс. грамадзян Беларусі прынялі ўдзел у вайне ў Афганістане

13 лютага, Мінск /Кар. БЕЛТА/. Каля 30 тыс. грамадзян Беларусі прайшлі цераз горан вайны ў Афганістане. Аб гэтым паведамілі карэспандэнту БЕЛТА ў Міністэрстве працы і сацыяльнай абароны.

Больш як 1,5 тыс. чалавек атрымалі раненні, кантузіі, калецтвы на той вайне, 718 - вярнуліся дадому інвалідамі (на сённяшні дзень іх налічваецца 599 чалавек), 771 - загінуў, у тым ліку 4 жанчыны, 12 чалавек лічацца прапаўшымі без вестак.

Штогод 15 лютага адзначаецца Дзень памяці воінаў-інтэрнацыяналістаў. Да памятнай даты рэспубліканскімі органамі дзяржкіравання, аблвыканкамамі і Мінгарвыканкамам праводзяцца мерапрыемствы па абследаванні ўмоў жыцця членаў сем'яў загінуўшых, інвалідаў, аказанні ім матэрыяльнай падтрымкі, рамонце і прывядзенні ў парадак магіл загінуўшых воінаў-інтэрнацыяналістаў.

Меры сацыяльнай абароны ветэранаў баявых дзеянняў на тэрыторыі іншых дзяржаў прадугледжаны законамі "Аб ветэранах" і "Аб дзяржаўных сацыяльных ільготах, правах і гарантыях для асобных катэгорый грамадзян". У рэспубліцы рэалізуецца Комплексная праграма развіцця сацыяльнага абслугоўвання на 2011-2015 гады. Падпраграмай "Сацыяльная падтрымка ветэранаў, асоб, якія пацярпелі ад наступстваў войнаў, пажылых людзей і інвалідаў" прадугледжаны мерапрыемствы па аказанні інвалідам вайны і членам сем'яў загінуўшых ваеннаслужачых розных відаў дапамогі; па правядзенні медаглядаў ветэранаў баявых дзеянняў на тэрыторыі іншых дзяржаў, асоб, пацярпелых ад наступстваў войнаў, са складаннем плана лячэбна-рэабілітацыйных мерапрыемстваў; па вырабе і рамонце тэхнічных сродкаў сацыяльнай рэабілітацыі на аснове камплектуючых, закупленых за мяжой.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі