13 мая, Мінск /Кар. БЕЛТА/. У расійскім горадзе Канакова завяршыўся міжнародны турнір у трохбор'і, удзел у якім прымалі коннікі з Расіі, Беларусі і Казахстана, паведамляе карэспандэнт БЕЛТА.
Пераможцай праграмы ўзроўню CCI3* (тры зоркі) стала двухразовая ўдзельніца Алімпійскіх гульняў беларуска Алена Целяпушкіна, якая выступала на кані Пасат. Фінальны рэзультат пары - 69,9 штрафных ачка. На другім месцы таксама беларус Аляксандр Фаміноў, які дапусціў на кані Экстракт крыху больш памылак і зарабіў 72,5 штрафных ачка. Бронзавая ўзнагарода ў расіянкі Юліі Жылінай на Тамерлане.
У Разані ў спаборніцтвах па выездзе Ганна Карасёва на кані Арлекіна стала другой, трэцяе месца ў другой беларускі Вольгі Ігуменцавай на Эн Хардзі.