Падзеі, факты, анонсы

У Балонні беларуска змагла фінішаваць у гонцы на 99 км. Практычна ўся дыстанцыя праходзіла па роўнай паверхні і толькі апошнія два кіламетры давялося пераадолець угору. Сяброўкі Алены Амялюсік па прафесійнай велакамандзе Canyon racin добра папрацавалі на гэтым складаным адрэзку перад фінішам, а беларуска паспяхова правяла атаку на заключных метрах дыстанцыі. Пераможцай гонкі стала Эліга Лонга-Барджыні з Італіі, другое месца заняла Эшлі Мулман з ПАР.

"Перад стартам не магла і падумаць, як пройдзе выступленне, паколькі апошнім часам шмат выступаю, і не магла сказаць, ці аднавілася я перад гэтай гонкай. Аднак мне дапамаглі сяброўкі па камандзе, яны добра папрацавалі ўгару, а мне заставалася ўдала фінішаваць", - расказала Алена Амялюсік.

Для беларускай велагоншчыцы гэта ўжо не першы падыум у бягучым верасні. У пачатку месяца яна стала бронзавым прызёрам шматдзённай велагонкі ў Нідэрландах. Таксама Алена Амялюсік была чацвёртая на чэмпіянаце Еўропы ў Францыі ў індывідуальнай гонцы з раздзельным стартам.