Закрыццё зімовага сезона па-каліфарнійску ў Лагойску

Californication 8.0 – відовішчная падзея, якая закрывае сезон лыжаў і снаўборда – прайшла ў гарналыжным комплексе "Лагойск". Басейн з ледзяной вадой, снежная траса з трамплінам і крэатыўная экіпіроўка – такі рэцэпт развітання з зімовым сезонам па-каліфарнійску.

Дзясяткі лыжнікаў і снаўбардыстаў у яркіх і смешных касцюмах спускаліся з трампліна ў напоўнены вадой басейн. Крэатыўнасць і майстэрства кожнага ўдзельніка ацэньвалася кампетэнтным журы на чале з алімпійскай чэмпіёнкай Алай Цупер у пяці намінацыях: самыя прафесійныя і адмысловыя трукі, самы далёкі заплыў, лепшы касцюм, самыя вялікія пырскі.

Яркія кадры экстрэмальнага закрыцця зімовага сезона – у нашым фотарэпартажы!