Прафесійнае свята прыгажосці – міжнародная выстаўка "ІнтэрСтыль" – стартавала ў Мінску. Гэта падзея, дзе ўжо 16-ы год запар лепшыя майстры б'юці-сферы дэманструюць сваё майстэрства, а вытворцы прадстаўляюць брэнды касметыкі, разнастайныя праграмы і навінкі ў галіне прыгажосці і здароўя. Па традыцыі ў рамках "ІнтэрСтылю" праводзяцца яшчэ два буйнейшыя праекты, якія збіраюць тысячы гасцей, – дзясяты міжнародны фестываль прыгажосці "Ружа вятроў HAIR-2017" і адкрыты чэмпіянат па цырульніцкім майстэрстве, дэкаратыўнай касметыцы і нейл-дызайне "Кубак Мінска-2017".
У паветры сталічнага Футбольнага манежа, дзе праходзіць мерапрыемства, – пахі парфумы, лаку, бліскаўкі, стразы... Тут пануе дух эпатажу: неймаверныя ператварэнні адбываюцца на вачах публікі нібыта па ўзмаху чарадзейнай палачкі.
Эксцэнтрычныя прычоскі, непаўторныя нейл-дызайны, яркія ўборы, арыгінальныя вобразы – усё гэта "ІнтэрСтыль-2017"...