Сцінг у Мінску з новым альбомам "57th & 9th"

Пасля паспяховага сусветнага турнэ па Паўночнай і Паўднёвай Амерыцы, Еўропе легенда сусветнай сцэны Сцінг – праз 7 гадоў – прадставіў у Мінску новы альбом "57th & 9th", які, паводле слоў самога артыста, стаў своеасаблівым вяртаннем да рока. Дарэчы, сваю назву ён атрымаў дзякуючы скрыжаванню дзвюх вуліц - 57-й і 9-й, міма якой спявак кожны дзень праходзіў па дарозе ў студыю.

За 40-гадовую кар’еру ў скарбонцы знакамітага брытанца – значная колькасць узнагарод: 16 статуэтак Grammy, 25 узнагарод American Music Awards, MTV Music Awards, "Залаты глобус" за саўндтрэк да фільма "Кейт і Леа", тры намінацыі на "Оскар" у катэгорыі "Лепшая песня да фільма" і нават імянная зорка на "Алеі славы" ў Галівудзе.

На гэты раз разам з рок-зоркай на буйнейшай пляцоўцы краіны – "Мінск-Арэне" – выступіў унікальны склад музыкантаў: гітарысты Дамінік Мілер і Руфус Мілер, акардэаніст Персі Кардон, ударнік Джош Фрыз. Спецыяльным госцем   стаў  41-гадовы сын Сцінга Джо Самнер – аўтар-выканаўца і бас-гітарыст рок-гурта Fiction Plane.

Беларускія меламаны пачулі такія кампазіцыі са свежай дзясяткі як "50,000" і "I Can’t Stop Thinking About You" і, вядома, ужо любімыя хіты за ўсю творчую дзейнасць брытанскага рамантыка: "Shape of My Heart", "Englishman in New York", "Fields of Gold", "Every Breath You Take", "Walking on the Moon"…

Фота: Аксана Манчук