Рэспубліканскі спартыўны фестываль працоўнай моладзі "Алімпія"-2016

Рэспубліканскі фестываль "Алімпія", які праводзіцца з 2004 года, зноў аб'яднаў дзейных і амбіцыйных маладых людзей з усёй краіны пад дэвізам "Моладзь выбірае!" Цэнтрам прыцяжэння па традыцыі стаў Валожынскі раён: на беразе ракі Іслач разгарнуўся палатачны гарадок, дзе сабраліся 20 каманд, якія прадстаўляюць міністэрствы і ведамствы, дзяржустановы і вядучыя прадпрыемствы Беларусі.

Акрамя спартыўных спаборніцтваў, удзельнікаў чакалі інтэрактыўныя адукацыйныя праекты, прэзентацыі, канцэрты, творчыя конкурсы, сустрэчы і майстар-класы вядомых людзей. Цэнтральная падзея першага дня форуму – праект "Адкрыты дыялог": у дыскусіі на тэму "Моладзь і палітыка: формула адказнасці" амаль 400 маладзёжных лідараў абмеркавалі злабадзённыя праблемы з прадстаўнікамі БРСМ, Адміністрацыі Прэзідэнта, кіраўніцтвам шэрага міністэрстваў і ведамстваў краіны.