Мірскі замак

Кожны дзень архітэктурная жамчужына Беларусі і адзін з найпрыгажэйшых замкаў Еўропы – Мірскі – запрашае гасцей у падарожжа ў часе. Сярэдневяковыя вежы з магутнымі сценамі, вузкімі байніцамі і крутымі вітымі лесвіцамі, раскошныя залы і княжацкія пакоі, старадаўнія капліца-пахавальня, парк і возера знаёмяць з самымі інтрыгуючымі эпізодамі гісторыі і дзіўнымі лёсамі людзей, якія жылі ў беларускім мястэчку Мір стагоддзі таму.

Сёння ў знакамітай рэзідэнцыі Радзівілаў і Святаполк-Мірскіх – славутасці са Спіса сусветнай спадчыны ЮНЕСКA – можна спыніцца ў адзіным замкавым атэлі Беларусі, стаць удзельнікам гістарычнай цырымоніі ў шляхецкіх касцюмах XVIII стагоддзя, зрабіць гастранамічны экскурс па кухні Вялікага Княства Літоўскага. У насычаным календары комплексу – экскурсіі без выхадных, выставы і вернісажы, балі і папулярныя фестывалі ("Спадчына стагоддзяў", "Музычныя вечары каля сцен Мірскага замка", "Mirum Music Festival", "Мірскі замак", "Восеньскі сезон канцэртаў Белдзяржфілармоніі ў Мірскім замку")...

Пабудаваны пяць стагоддзяў таму, Мірскі замак у любую пару года прыгожы і па-свойму незвычайны. Новыя віды рэзідэнцыі восенню-2015 – у нашай фотагалерэі....