Першы этап Кубка свету па канькабежным спорце сярод юніёраў прайшоў 26 і 27 лістапада ў Мінску ў новым фармаце. Міжнародны саюз канькабежцаў (ISU) упершыню на гэтых спаборніцтвах адобрыў выступленне атлетаў да 23 гадоў (неа-сеньёраў). У міжнародных спаборніцтвах на канькабежным стадыёне "Мінск-Арэны" прынялі ўдзел юныя спартсмены больш як з 20 краін свету.
У першы ж дзень спаборніцтваў беларусы заваявалі дзве ўзнагароды: першае месца на дыстанцыі 1000 м для спартсменаў да 23-х гадоў заняў Ігнат Галавацюк, які паказаў рэзультат на родным катку – 1 мін 11,08 сек, а на дыстанцыі 3000 м Аляксей Кірпічнік заняў трэцяе месца – 3 мін 58,52 сек.
На фота: ўзнагароджанне пераможцаў на дыстанцыі 1000 метраў (Ігнат Галавацюк, Даніла Бобыр і Лука Заньеліні)