Дзень танкіста ў Мінску

Рэкордны па колькасці – упершыню за сямігадовую гісторыю свята яго наведалі 200 тыс. чалавек з 10 краін – Дзень танкіста стаў яшчэ адным доўгачаканым падарункам мінчанам да 951-годдзя горада. Камуфляж, танкі – баявыя і віртуальныя, 70 пляцовак з забавамі і актывацыямі, больш за 100 лакацый фуд-корта, відовішчны канцэрт і заключным акордам – салют ператварылі Парк Перамогі ў вялікую фестывальную пляцоўку.

У буйнейшай у СНД гульнявой зоне – 200 камп'ютараў пад адкрытым небам – разгарнуліся танкавыя баталіі на ўнікальнай віртуальнай карце Мінска 1960-х гадоў, прэзентаванай кампаніяй Wargaming гэтым летам. На ёй – адноўленыя на аснове гістарычных крыніц выдатныя мясціны сталіцы. Госці Дня танкіста назіралі за баямі на карце "Мінск" з дапамогай тэхналогій "настольнага AR", што дае магчымасць у дапоўненай рэальнасці на любую паверхню накладваць эпізоды з гульні.

На свяце можна было ўбачыць цэлы "парад" сапраўднай армейскай тэхнікі – ад герояў Вялікай Айчыннай вайны – танкаў Т-34-85 і ІС-2 да сучаснага мадэрнізаванага баявога танка – удзельніка Армейскіх міжнародных гульняў гэтага года Т-72Б3. Побач размясціліся сучасны браніраваны аўтамабіль беларускай вытворчасці Volat V-1 і два высокатэхналагічныя рухомыя комплексы – навігацыйна-тапаграфічны і навігацыйна-геадэзічны.

Аматарам артылерыі і цяжкай тэхнікі прапаноўвалі нават змацаваць вузы ў "танкавым шлюбе": даць клятву і атрымаць пасведчанне сапраўднага іграка і баявой сяброўкі.

Для тых, хто замест кіберспорту выбірае актыўны адпачынак, была створана спецыяльная пляцоўка ад камітэта II Еўрапейскіх гульняў 2019 года. Тут усе жадаючыя маглі апрабаваць новыя віды спорту (напрыклад, петанк) і паразмаўляць з вядомымі беларускімі спартсменамі.

Для юных "танкістаў" арганізатары падрыхтавалі тэатралізаваныя паказы, квэсты і майстар-класы. Акрамя таго, маленькіх гасцей запрашалі паспрабаваць сябе ў ролі аўтамабілістаў: 459 дзяцей атрымалі стылізаваныя "аўтамабільныя правы" на інтэрактыўнай пляцоўцы ад мінскай ДАІ.

У канцы вечара гасцей чакалі гарачыя трэкі ад "Танцаў мінус", "пульсам біў" біт групы "IOWA", а завяршыўся канцэрт вінілавым гучаннем цягучага фанк-рока і хіп-хопа ад групы "Бумбокс" і грандыёзным салютам.

Танкаманія ў горадзе: рэпартаж з месцаў забаўляльных "баёў" у фотагалерэі!