У Мінску на тэрыторыі Верхняга горада 10 чэрвеня прайшло свята "Дзень шматнацыянальнай Расіі". Арганізатарамі выступілі: Мінскі гарадскі выканаўчы камітэт, нацыянальна-культурныя грамадскія аб'яднанні Рэспубліканскага цэнтра нацыянальных культур і Каардынацыйны савет кіраўнікоў грамадскіх аб'яднанняў расійскіх суайчыннікаў, пры падтрымцы Пасольства Расійскай Федэрацыі ў Рэспубліцы Беларусь. Акрамя канцэртнай праграмы на свяце можна было азнаёміцца з работамі ўмельцаў дэкаратыўна-прыкладнога мастацтва, паспрабаваць нацыянальную кухню і паглядзець на нацыянальныя строі розных народнасцяў Расіі.