Дзень усенароднай памяці ахвяр Вялікай Айчыннай вайны ў Беларусі

Роўна 75 гадоў таму, 22 чэрвеня 1941-га, пачалася вайна, якая стала для Беларусі сапраўды вялікім выпрабаваннем, прынесла шмат гора і страт, але аб'яднала людзей у галоўным – імкненні да Перамогі і мірнага жыцця. І сёння падзеі тых некалькіх страшных гадоў у нашай краіне не забываюць, свята берагуць памяць пра подзвіг народа, захоўваюць мір, заваяваны цаной мільёнаў жыццяў.

Па ўсёй Беларусі 22 чэрвеня адзначаюць памятнымі мерапрыемствамі і душэўнымі сустрэчамі з ветэранамі, але, бадай, з асаблівым хваляваннем гэтую раніцу сустракаюць Брэст і знакамітая крэпасць-герой, абаронцы якой першымі прынялі ваенны ўдар, Магілёў і палітае крывёй Буйніцкае поле, дзе ў ліпені 1941-га воіны не здаваліся 23 дні і ночы...

Памятныя падзеі, прысвечаныя 75-годдзю пачатку Вялікай Айчыннай вайны – у нашай галерэі…