У Беларусь без візы: на 5 дзён для грамадзян 80 краін
Афіцыйны сайт Рэспублікі Беларусь
Вялікая размова з Прэзідэнтам Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Навіны

Навіны Беларусі

7 Стд 2017

Лукашэнка запаліў калядную свечку ў Свята-Духавым кафедральным саборы Мінска

Лукашэнка запаліў калядную свечку ў Свята-Духавым кафедральным саборы Мінска

7 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка 7 студзеня запаліў калядную свечку ля Мінскага абраза Божай Маці ў Свята-Духавым кафедральным саборы, перадае карэспандэнт БЕЛТА.

Кіраўніка дзяржавы сустрэў Мітрапаліт Мінскі і Заслаўскі Павел, Патрыяршы Экзарх усяе Беларусі. У саборы таксама прысутнічалі прыхаджане, прадстаўнікі праваслаўных брацтваў і сястрыцтваў, навучэнцы нядзельнай школы.

Лукашэнка запаліў калядную свечку ў Свята-Духавым кафедральным саборы Мінска"Я хачу, каб гэта свята прынесла вам мір, узаемаразуменне, дабрабыт. І самае галоўнае - здзяйсненне калі не ўсіх вашых жаданняў, то галоўных, связаных з вашымі роднымі, блізкімі, і асабліва дзецьмі, - пажадаў Аляксандр Лукашэнка. - Не прэтэндуючы на нейкую глабальнасць, хацеў бы звярнуцца да расіян, украінцаў, нашых беларусаў, грамадзян Беларусі, да нашых гасцей, ды і да ўсіх хрысціян з віншаваннямі ў гэты светлы і ўрачысты дзень. З Ражджаством Хрыстовым усіх вас, міру вам і дабра!"

Лукашэнка запаліў калядную свечку ў Свята-Духавым кафедральным саборы МінскаПрэзідэнт перадаў у дар Беларускай праваслаўнай царкве абраз Божай Маці "Замілаванне", напісаны паводле ўзору маларыцкага абраза "Замілаванне" XV стагоддзя. Абраз выкананы ва ўнікальнай старажытнай тэхніцы васковай тэмперы.

У сваю чаргу мітрапаліт Павел падарыў Аляксандру Лукашэнку выяву Іверскага абраза Божай Маці, асвячоную на гары Афон.

Лукашэнка запаліў калядную свечку ў Свята-Духавым кафедральным саборы Мінска"Хочацца пажадаць, каб Маці Божая ахоўвала наш народ, ахоўвала вас - кіраўніка цудоўнай айчыны, дзяржавы, умацоўвала вашы духоўныя і цялесныя сілы. Няхай Маці Божая ахоўвае Белую русь, увесь наш набожны народ. Каб надышоўшы каляндарны год быў для ўсіх нас благаславенным, мірным і паспяховым. І, вядома, як вы заўсёды падкрэсліваеце, шмат у чым гэта будзе залежаць ад нас. Будзем маліцца, працаваць - благаславенне Божае будзе з усімі намі", - пажадаў мітрапаліт Павел.

Лукашэнка запаліў калядную свечку ў Свята-Духавым кафедральным саборы МінскаМалодшаму сыну Прэзідэнта Беларусі Мікалаю ён падарыў абраз Анёла-захавальніка.

Мітрапаліт Павел таксама павіншаваў усіх са святам Ражджаства Хрыстовага, назваўшы мінулы год цяжкім, але благаславенным, як і ўсе гады. "Сёння сапраўды радуюцца і нябёсы, і зямля. Сонечнае, але марознае надвор'е сведчыць аб тым, што гэта - асаблівая падзея", - сказаў ён.Лукашэнка запаліў калядную свечку ў Свята-Духавым кафедральным саборы Мінска

Архіў
Пн Аўт Сер Чцв Пт Сб Нядз
У Беларусь без візы: на 5 дзён для грамадзян 80 краін
Платныя дарогі ў Беларусі
Помнікі Вялікай Айчыннай вайны ў Беларусі