Галоўныя навіны
Лукашэнка: Актыўныя кантакты паміж Беларуссю і Кітаем падкрэсліваюць асаблівы ўзровень адносін паміж краінамі
18 красавіка, Мінск /Міхаіл Маціеўскі - БЕЛТА/. Актыўныя кантакты паміж Беларуссю і Кітаем падкрэсліваюць асаблівы ўзровень адносін паміж краінамі. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Пастаяннага камітэта Усекітайскага сходу народных прадстаўнікоў Чжан Дэцзянам, перадае карэспандэнт БЕЛТА.
Кіраўнік дзяржавы адзначыў, што ў год 25-годдзя ўстанаўлення дыпламатычных адносін краіны дасягнулі высокай інтэнсіўнасці ўзаемных візітаў. Літаральна на мінулым тыдні Аляксандр Лукашэнка сустрэўся з грамадскімі і дзяржаўнымі дзеячамі Кітая, у тым ліку з міністрам грамадскай бяспекі, генеральным пракурорам, сакратаром Камітэта Камуністычнай партыі Кітая правінцыі Хунань.
"Актыўныя кантакты чарговы раз падкрэсліваюць асаблівы ўзровень адносін паміж нашымі краінамі - давернага ўсебаковага стратэгічнага партнёрства і ўзаемавыгаднага супрацоўніцтва", - заявіў беларускі лідар.
Прэзідэнт звярнуў увагу, што Беларусь таксама зацікаўлена ў прадаўжэнні сустрэч на вышэйшым узроўні і ў рамках шматбаковых фарматаў, такіх як Шанхайская арганізацыя супрацоўніцтва.
"Перадайце ад мяне падзяку майму добраму сябру Сі Цзіньпіну за запрашэнне на міжнародны форум "Адзін пояс, адзін шлях". Упэўнены, ён стане знакавай падзеяй не толькі для Кітая, але і ўсёй планеты", - сказаў кіраўнік дзяржавы.
Перагаворы Аляксандра Лукашэнкі з Чжан Дэцзянам прайшлі ў вельмі шчырай атмасферы. Пасля іх завяршэння высокі госць з Кітая азнаёміўся з персанальнай выставай пейзажыста Валерыя Шкарубы, якая адкрылася ў Палацы Незалежнасці 29 сакавіка. Экспазіцыя складаецца з 15 жывапісных твораў з выявай беларускіх пейзажаў.
Чжан Дэцзян адзначыў высокі ўзровень работ, падкрэсліўшы іх глыбокі лірыка-філасофскі змест.
версія для друку
зрабіць стартавай
дабавіць у выбранае