Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

26 Май 2016

Кабякоў назваў асноўныя ўзгодненыя прыярытэты праекта праграмы на пяцігодку

Кабякоў назваў асноўныя ўзгодненыя прыярытэты праекта праграмы на пяцігодку

26 мая, Мінск /Уладзімір Мацвееў - БЕЛТА/. Прэм'ер-міністр Андрэй Кабякоў па выніках нарады ў кіраўніка дзяржавы назваў асноўныя ўзгодненыя прыярытэты распрацоўваемай Праграмы сацыяльна-эканамічнага развіцця Беларусі на 2016-2020 гады. Аб гэтым ён расказаў у размове з журналістамі, адказваючы на пытанне карэспандэнта БЕЛТА.

"Урад падрабязна далажыў сваё бачанне падыходаў па фарміраванні прагнозу сацыяльна-эканамічнага развіцця на сярэднетэрміновую пяцігадовую перспектыву. Былі апаненты, якія прапаноўвалі свае аргументы, але хачу сказаць, што асноўныя моманты, звязаныя з прыярытэтамі развіцця, атрымалі канцэптуальнае адабрэнне. Напрыклад, такія прыярытэты, як эфектыўныя інвестыцыі, занятасць і экспарт. Не менш як тры гэтыя прыярытэты з'яўляюцца канцэптуальна ўзгодненымі для праграмы на бліжэйшую пяцігодку", - заявіў прэм'ер-міністр.

Паводле яго слоў, інвестыцыі павінны быць эфектыўнымі, ствараць высокапрадукцыйныя рабочыя месцы. "Іх колькасць (інвестыцый. - Заўвага БЕЛТА) павінна адпавядаць нашым магчымасцям і ўкладвацца толькі ў тыя сферы, якія даюць непасрэдную аддачу. На падставе гэтых інвестыцый павінны быць створаны рабочыя месцы", - адзначыў Андрэй Кабякоў. Ён нагадаў, што Прэзідэнтам вызначана мэтавая задача па стварэнні штогод не менш як 50 тыс. новых рабочых месц.

Што датычыцца экспарту, то ён быў і застаецца прыярытэтам для Беларусі на працягу двух апошніх дзесяцігоддзяў. "Гэта рынкі збыту, гэта нашы магчымасці павелічэння даходаў, зарплат. Усё гэта непасрэдна звязана з тым, што структура нашай эканомікі - адна з самых адкрытых сярод краін СНД. Без наладжанага экспарту, без вынікаў у гэтай сферы цяжка разлічваць на сур'ёзныя параметры сацыяльна-эканамічнага развіцця", - падкрэсліў Андрэй Кабякоў.

"Асноўныя прыярытэты ў асноўным канцэптуальна ўзгоднены. Што датычыцца параметраў сацыяльна-эканамічнага развіцця, яны былі сёння грунтоўна прааналізаваны і будуць дапрацоўвацца. Ёсць адпаведнае даручэнне кіраўніка дзяржавы. Створана група па дапрацоўцы гэтых параметраў і дапрацоўцы тэксту", - паведаміў прэм'ер-міністр.

Ён дадаў, што тэкст праграмы, і гэта патрабаванне Прэзідэнта, павінен быць максімальна даступным, зразумелым і канкрэтным, адказваць на пытанні, якія рэальна хвалююць грамадства.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі