Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

22 Май 2017

Лукашэнка: Аптымізацыя ў Следчым камітэце не павінна паўплываць на якасць і прынцыповы характар следства

22 мая, Мінск /Кар. БЕЛТА/. Аптымізацыя ў Следчым камітэце не павінна паўплываць на якасць і прынцыповы характар следства. Аб гэтым Прэзідэнт Беларусі Аляксандр Лукашэнка заявіў сёння, прымаючы з дакладам старшыню Следчага камітэта Івана Наскевіча, паведамілі БЕЛТА ў прэс-службе беларускага лідара.

Кіраўнік дзяржавы пацікавіўся, як праходзяць у ведамстве працэсы аптымізацыі, і падкрэсліў, што яны ні ў якім разе не павінны паўплываць на якасць следства, яго незалежны, сумленны і прынцыповы характар. "Я хачу мець аб'ектыўную інфармацыю: што не атрымліваецца, можа, патрэбна якая-небудзь падтрымка?" - спытаў Аляксандр Лукашэнка.

Прэзідэнт адзначыў, што ў сувязі з гэтым было б не лішнім вывучыць меркаванне калег са следчых органаў іншых краін, з якімі актыўна супрацоўнічае беларускае ведамства, аб іх ацэнцы праведзеных змяненняў і рэфармавання ў праваахоўных органах Беларусі.

Аляксандр Лукашэнка звярнуў увагу на неабходнасць падтрымання адносін са Следчым камітэтам Расіі і яго кіраўніком Аляксандрам Бастрыкіным. "У вас устанавіліся, як я разумею, нядрэнныя кантакты ў тым ліку з Федэральным бюро расследаванняў Злучаных Штатаў Амерыкі. З імі трэба падтрымліваць адносіны", - сказаў Прэзідэнт. Беларускім следчым таксама важна супрацоўніцтва з Інтэрпалам, падкрэсліў кіраўнік дзяржавы.

Аляксандр Лукашэнка таксама даручыў Івану Наскевічу асабіста разабрацца з непрыемнай сітуацыяй, што адбылася з Леанідам Пянькоўскім, які нядаўна ўзначаліў Аршанскі райвыканкама. Яна звязана з дзеяннямі аператыўных службаў адносна службовай асобы. "Хто даў права да чалавека, узгодненага да назначэння Прэзідэнтам, урывацца ў дом. Для таго, каб праваахоўным органам нават весці нейкія расследаванні па чалавеку, які ўваходзіць у кадравы рэестр Прэзідэнта, патрэбна згода Прэзідэнта. Уварваліся, пачалі нешта ўдакладняць, - адзначыў кіраўнік дзяржавы. - Новы чалавек прыйшоў працаваць. Кляймо на ім паставілі. Нядобры сігнал".

"Матэрыялы ўжо ёсць. Разбярыцеся, - даручыў Прэзідэнт. - Мне патрэбна мужчынская, сапраўдная ацэнка гэтай сітуацыі".

Кіраўнік Следчага камітэта далажыў кіраўніку дзяржавы аб рабоце ведамства, якая мае планавы характар. За першы квартал 2017 года следчымі разгледжана амаль 28 тыс. заяў і паведамленняў аб злачынствах. Гэты паказчык ніжэйшы, чым за аналагічны перыяд мінулага года.

Іван Наскевіч таксама праінфармаваў Аляксандра Лукашэнку аб расследаванні найбольш важных крымінальных спраў, якія знаходзяцца на кантролі ў Прэзідэнта.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі