Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Май 2017

Кабякоў наведае з рабочым візітам Татарстан

24 мая, Мінск /Кар. БЕЛТА/. Прэм'ер-міністр Беларусі Андрэй Кабякоў 25-26 мая наведае з рабочым візітам Рэспубліку Татарстан Расійскай Федэрацыі, паведаміў карэспандэнту БЕЛТА прэс-сакратар прэм'ер-міністра Уладзіслаў Сычэвіч.

У першы дзень візіту 25 мая Андрэй Кабякоў правядзе перагаворы з Прэзідэнтам Татарстана Рустамам Мініханавым у вузкім і пашыраным складах. Запланавана наведванне АТ "Тэхнаполіс Хімград", ПАТ "Казаньаргсінтэз", стадыёна "Казань Арэна".

Андрэй Кабякоў 26 мая прыме ўдзел у пасяджэннях Савета кіраўнікоў урадаў у СНД і Еўразійскага міжурадавага савета, якія адбудуцца ў Казані. Пасяджэнні пройдуць у вузкім і пашыраным складах. Не выключана, што на палях саміту кіраўнік беларускага ўрада правядзе шэраг двухбаковых сустрэч.

На пасяджэнні Савета кіраўнікоў урадаў у СНД плануецца разгледзець 13 праектаў дакументаў, накіраваных на эканамічнае ўзаемадзеянне дзяржаў - удзельніц СНД і развіццё супрацоўніцтва па іншых напрамках. У праект парадку дня ўключаны пытанні, якія датычацца, у прыватнасці, узаемадзеяння краін Садружнасці ў сферы інавацый, забеспячэння транспартнай бяспекі, выкарыстання атамнай энергіі ў мірных мэтах, падрыхтоўкі спецыялістаў у галіне геадэзіі, картаграфіі, кадастру і дыстанцыйнага зандзіравання Зямлі. Акрамя таго, кіраўнікам урадаў прапануецца разгледзець дакументы, якія рэгламентуюць супрацоўніцтва ў галіне радыёнавігацыі, процідзеяння вытворчасці і распаўсюджванню кантрафактнай прадукцыі, абароны інтэлектуальнай уласнасці і інш.

У ходзе пасяджэння Еўразійскага міжурадавага савета будуць абмяркоўвацца пытанні ў сферы эканомікі, мытнага супрацоўніцтва, прамысловасці і аграпрамысловага комплексу. Кіраўнікам урадаў краін Саюза будзе прадстаўлена штогадовая справаздача Еўразійскай эканамічнай камісіі аб маніторынгу правядзення ацэнкі рэгулюючага ўздзеяння праектаў рашэнняў ЕЭК у 2016 годзе. Таксама будзе разгледжана пытанне аб Парадку арганізацыі сумесных навукова-даследчых і доследна-канструктарскіх работ у сферы аграпрамысловага комплексу дзяржаў - членаў ЕАЭС і праект Пагаднення аб парадку добраахвотнага ўзгаднення краінамі Саюза з ЕЭК спецыфічных субсідый адносна прамысловых тавараў і правядзення Камісіяй разбораў, звязаных з прадастаўленнем краінамі ЕАЭС спецыфічных субсідый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі