2 снежня, Мінск /Кар. БЕЛТА/. У Мінску 2 снежня адбыліся кансультацыі паміж міністэрствамі замежных спраў Беларусі і Літвы, паведамілі БЕЛТА ў прэс-службе МЗС Беларусі.
На кансультацыях быў разгледжаны шырокі спектр пытанняў развіцця беларуска-літоўскага ўзаемадзеяння ў палітычнай, гандлёва-эканамічнай, транспартна-транзітнай галінах, а таксама тэматыка развіцця дыялогу па лініі Беларусь-ЕС.
Беларускую дэлегацыю ўзначаліў начальнік упраўлення Еўропы Яўген Вараб'ёў, літоўскую - дырэктар Дэпартамента палітыкі Усходняга суседства Ёнас Грынявічус.
З дэлегацыяй МЗС Літвы таксама сустрэлася намеснік міністра замежных спраў Беларусі Алена Купчына.