Падзеі

А.Лукашэнка ўнёс у парламент законапраект аб ратыфікацыі Дагавора аб Еўразійскай эканамічнай камісіі

21 лістапада, Мінск /Кар. БЕЛТА/. Кіраўнік дзяржавы Аляксандр Лукашэнка ўнёс у Палату прадстаўнікоў Нацыянальнага сходу Рэспублікі Беларусь законапраект аб ратыфікацыі Дагавора аб Еўразійскай эканамічнай камісіі, падпісанага 18 лістапада ў Маскве прэзідэнтамі Беларусі, Расіі і Казахстана. Аб гэтым карэспандэнту БЕЛТА паведамілі ў прэс-службе беларускага лідара.

Еўразійская эканамічная камісія ствараецца з мэтай забеспячэння функцыянавання і развіцця Мытнага саюза і Адзінай эканамічнай прасторы.

Гэта камісія стане пераемніцай Камісіі Мытнага саюза. Яна будзе ажыццяўляць сваю дзейнасць на аснове прынцыпаў забеспячэння ўзаемнай выгады, раўнапраўя і ўліку нацыянальных інтарэсаў бакоў, эканамічнай абгрунтаванасці прымаемых рашэнняў, адкрытасці, галоснасці і аб'ектыўнасці. У сувязі з пашырэннем і ўскладненнем функцый камісіі дагаворам прадугледжваецца стварэнне двухузроўневага органа ў складзе Савета камісіі і Калегіі камісіі, функцыі і паўнамоцтвы якіх размяжоўваюцца. У цэлым ствараюцца неабходныя ўмовы для забеспячэння ўліку інтарэсаў Беларусі ў прэцэсе прыняцця рашэнняў, паколькі прадугледжана магчымасць вынясення вострых пытанняў на больш высокі ўзровень, аж да Вышэйшага Еўразійскага эканамічнага савета на ўзроўні кіраўнікоў дзяржаў, дзе рашэнні прымаюцца кансэнсусам.

адправіць

версія для друку

зрабіць стартавай

дабавіць у выбранае