Афіцыйны сайт Рэспублікі Беларусь
XI Міжнародны музычны фестываль Юрыя Башмета
Улада

Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Выбары | Выбары ў Савет Рэспублікі

Выбары членаў Савета Рэспублікі Нацыянальнага сходу Рэспублікі Беларусь

Пасяджэнне Савета Рэспублікі
Пасяджэнне Савета Рэспублікі

Савет Рэспублікі з'яўляецца палатай тэрытарыяльнага прадстаўніцтва і выбіраецца тэрмінам на чатыры гады.

Ад кожнай вобласці і горада Мінска тайным галасаваннем выбіраюцца на сходах дэпутатаў гарадскіх і раённых саветаў па восем членаў Савета Рэспублікі. Восем членаў Савета Рэспублікі назначаюцца Прэзідэнтам Рэспублікі Беларусь.

Тэрміны правядзення выбараў у Савет Рэспублікі Нацыянальнага сходу Рэспублікі Беларусь

Выбары членаў Савета Рэспублікі новага склікання назначаюцца не пазней як за чатыры месяцы і праводзяцца не пазней як за 30 дзён да заканчэння паўнамоцтваў Савета Рэспублікі дзеючага склікання.

Прэзідэнт Беларусі 6 чэрвеня 2016 года падпісаў указы, якія вызначаюць тэрміны правядзення выбараў у парламент: у Палату прадстаўнікоў - 11 верасня 2016 года; у Савет Рэспублікі - у перыяд з 18 чэрвеня па 18 верасня 2016 года.

Парламенцкія выбары 2012 года ў Беларусі

Парламенцкія выбары 2016 года ў Беларусі

Патрабаванні да кандыдатаў у члены Савета Рэспублікі Нацыянальнага сходу Рэспублікі Беларусь

Членам Савета Рэспублікі можа быць грамадзянін Рэспублікі Беларусь, які дасягнуў 30 гадоў і пражыў на тэрыторыі адпаведнай вобласці, горада Мінска не менш як пяць гадоў, не мае судзімасці.

Вылучэнне кандыдатаў у члены Савета Рэспублікі Нацыянальнага сходу Рэспублікі Беларусь

Вылучэнне кандыдатаў у члены Савета Рэспублікі пачынаецца за 90 дзён і заканчваецца за 60 дзён да заканчэння паўнамоцтваў Савета Рэспублікі дзеючага склікання.

Вылучэнне кандыдата ў члены Савета Рэспублікі ад якой-небудзь вобласці праводзіцца на сумесным пасяджэнні кіраўніцтва мясцовага прадстаўнічага і выканаўчага органаў горада або раёна гэтай вобласці.

Рэгістрацыя кандыдатаў у члены Савета Рэспублікі Нацыянальнага сходу Рэспублікі Беларусь

Кандыдаты ў члены Савета Рэспублікі рэгіструюцца Цэнтральнай выбарчай камісіяй.

Рэгістрацыя кандыдатаў у члены Савета Рэспублікі пачынаецца за 60 дзён і завяршаецца за 55 дзён да заканчэння паўнамоцтваў Савета Рэспублікі дзеючага склікання.

Выбранне членаў Савета Рэспублікі Нацыянальнага сходу Рэспублікі Беларусь

Члены Савета Рэспублікі ад абласцей выбіраюцца на сходах, якія ўключаюць усіх дэпутатаў раённых і гарадскіх саветаў на тэрыторыі вобласці.

Члены Савета Рэспублікі ад горада Мінска выбіраюцца на пасяджэнні гарадскога Савета дэпутатаў (паколькі адміністрацыйныя раёны ўнутры сталіцы не маюць раённых прадстаўнічых органаў).

Пасля праграмных выступленняў кандыдатаў і публічнага абмеркавання іх кандыдатур праводзіцца тайнае галасаванне.

Выбраным лічыцца кандыдат у члены Савета Рэспублiкi, якi атрымаў больш за палову галасоў дэпутатаў, якія прынялі ўдзел у галасаванні.

Калі пры правядзенні выбараў устаноўленая колькасць членаў Савета Рэспублікі, якія падлягаюць выбранню ад вобласці, горада Мінска, не была выбрана, у тэрмін, вызначаны Цэнтральнай выбарчай камісіяй, праводзяцца паўторныя выбары.

V Усебеларускі народны сход
Праграма развіцця Беларусі на 2016-2020 гады (праект)
Парламенцкія выбары 2016 года ў Беларусі
Помнікі Вялікай Айчыннай вайны ў Беларусі
Дэнамінацыя ў Беларусі: новыя грошы
Платныя дарогі ў Беларусі