Перавагі размяшчэння вашага бізнесу ў Беларусі

У 2022 годзе замежныя інвестары ўклалі ў рэальны сектар эканомікі Беларусі (акрамя банкаў) $7 млрд. Сярод асноўных інвестыцыйных партнёраў беларускіх суб'ектаў – кампаніі з Расіі, Кіпра, Нідэрландаў, Украіны.

Асноўнымі гандлёвымі партнёрамі з'яўляюцца:

• Расія
• Украіна
• Германія
• Злучанае Каралеўства
• Кітай
• Польшча
• Нідэрланды
• Італія 
• Літва
• Казахстан 

Павелічэнне колькасці замежных кампаній у Беларусі абумоўліваюць:

• Геаграфічнае становішча

Знаходзячыся на ўсходняй граніцы Еўропы, Беларусь займае стратэгічнае становішча, праз яе праходзіць асноўны гандлёвы маршрут паміж Еўропай і СНД.

• Эканамічная стабільнасць

У перыяд сусветнага эканамічнага крызісу беларуская эканоміка пацярпела менш у параўнанні з іншымі краінамі. Эканамічныя эксперты прадказваюць дадатны рост эканомікі Беларусі.

• Спрыяльны інвестыцыйны клімат

Для развіцця бізнесу ў Беларусі створаны свабодныя эканамічныя зоны, Парк высокіх тэхналогій і Беларуска-Кітайскі індустрыяльны парк "Вялікі камень", дзейнічаюць спецыяльныя падатковыя льготы для кампаній, якія працуюць у сельскай мясцовасці або малых гарадах.

З 24 студзеня 2014 г. дзейнічае Закон Рэспублікі Беларусь "Аб інвестыцыях", які акумуляваў галоўныя пажаданні інвестараў па абароне інвестыцый, прадастаўленні гарантый па выкарыстанні прыбытку, абароне ад умяшання ў прыватныя справы інвестара.

Гарантыі правоў інвестараў і абарона інвестыцый у Рэспубліцы Беларусь забяспечаны таксама шэрагам міжнародных пагадненняў.

Пачынаючы з 2006 года (за час удзелу краіны ў рэйтынгу Сусветнага банка "Вядзенне бізнесу") у Беларусі зафіксавана 39 рэформ па паляпшэнні дзелавога асяроддзя.

• Высокакваліфікаваная рабочая сіла

Амаль 50% служачых і рабочых у Беларусі маюць вышэйшую адукацыю.

• Прамыслова развітая эканоміка

Цяпер прамысловасць Беларусі забяспечвае амаль трэць ВУП краіны.

Што трэба помніць для заснавання кампаніі ў Беларусі?

Як і на любым іншым новым рынку, важна правесці ўласнае даследаванне, перш чым пачынаць які-небудзь бізнес у Беларусі. Нараўне з вывучэннем вашага сектара рынку таксама рэкамендуецца даведацца пра:

• заканадаўчыя патрабаванні
• працоўнае заканадаўства
• агульную культуру вядзення бізнесу ў Беларусі

Дзе можна атрымаць дадатковую дапамогу і кансультацыю?

Беларускі ўрад нацэлены на прыцягненне прамых замежных інвестыцый і павелічэнне знешняга гандлю. У краіне існуюць арганізацыі і міністэрствы, якія аказваюць садзейнічанне замежным інвестарам.

У Беларусі знаходзяцца аддзяленні некаторых міжнародных юрыдычных і бухгалтарскіх фірм, а таксама камерцыйныя арганізацыі па аказанні дапамогі замежным кампаніям у выхадзе на беларускі рынок.

версія для друку

зрабіць стартавай

дабавіць у выбранае